که د تاريخ پاڼې وکتل شي، دا حقيقت به روښانه شي چې خوارجو تل خپله وسله د هغو نظامونو او اشخاصو پر ضد کارولې ده چې د اسلامي شريعت د حاکميت او اسلامي ارزښتونو ريښتيني مدافعين پاتې شوي دي. هر وخت چې اسلامي امت د يوه امير تر قيادت لاندې راټول شوی، هماغه مهال د خوارجو فتنه راپورته شوې او د مسلمانانو په منځ کې يې د اختلاف، ويرې او بېثباتۍ اور بل کړی دی.
بله مهمه خبره دا ده چې د اسلامي نظامونو پر ضد د خوارجو ډېری بغاوتونه د هغو استخباراتي کړيو تر سيوري لاندې پيل شوي چې د اسلامي نظامونو تر ټولو سرسخته مخالفين پاتې شوي دي. علت يې هم څرګند دی؛ ځکه دښمن هڅه کوي خپل اصلي هدف د بل چا په نوم او جامه کې تعقيب کړي، څو هم خپل جرم پټ وساتي او هم اسلامي ټولنه له داخلي بحران، بدګومانۍ او ګډوډۍ سره مخ کړي.
د دې خبرې لپاره چې داعشي خوارج له پوځي رژيم سره پټې او ژورې اړيکې لري، څو څرګند دلائل موجود دي: لومړی مهم دليل دا دی چې په کومو هيوادونو کې د داعش فعاليتونه تر سترګو شوي، هلته د دغې ډلې پر ضد جدي او پراخ عمليات ترسره شوي، عاملين يې نيول شوي او د خپلو اعمالو په سزا رسېدلي دي؛ خو په پاکستان کې د علماوو، ديني شخصيتونو او د اسلامي فکر د مخکښانو د ترور لړۍ له کلونو راهيسې روانه ده.
هر ځل د دغو بريدونو پړه داعش پر غاړه اخلي، خو بيا هم پوځي رژيم نه جدي پلټنې ترسره کوي او نه د اصلي عاملينو د نيولو او مجازات کولو لپاره کوم مؤثر او روښانه اقدام تر سترګو کېږي. دا دوامداره چوپتيا، بېپروايي او مبهم چلند خپله د دې ثبوت دی چې د داعش او پوځي رژيم تر منځ پټې اړيکې موجودې دي، او داعش د يوې وسيلې په توګه د ځانګړو موخو لپاره کاروي.
برعکس، د افغانستان اسلامي امارت د داعش پر ضد جدي او عملي اقدامات ترسره کړل، ګڼ شمېر داعشي عناصر يې له منځه يوړل او هغه کسان يې ونيول چې د علماوو، ديني شخصيتونو او عامو مسلمانانو په ترورونو کې ښکېل وو. دا حالت ښيي چې اسلامي امارت له داعش سره يوازې سياسي مخالفت نه، بلکې عقيدوي او عملي دريځ هم لري.
دوهم قوي دليل دا دی چې د اسلامي امارت له لوري نيول شويو داعشي عناصرو په خپلو اعترافونو کې څرګنده کړې، چې د افغانستان له پولو هاخوا د دغې ډلې فعال مرکزونه او فزيکي حضور شته، او ځينې استخباراتي کړۍ يې د خپلو سياسي او امنيتي موخو لپاره استعمالوي، د نيول شويو کسانو اعترافونه، شواهد او اسناد دا موضوع لا پسې پياوړې کوي چې داعش يوه خپلواکه او طبيعي تحريک نه، بلکې د سيمهييزو استخباراتي لوبو يوه برخه ده.
د پاکستان غيرتمندو ولسونو!
تاسو بايد نور د غفلت او بې پروايي له خوبه راويښ شئ، هيواد مو د پوځي رژيم د غلطو پاليسو له امله د ګړنګ په غاړه دی، ورځ تر بلې مو هيواد نامعلوم برخليک په لور روان دی، د پوځي رژيم ظلمونه، د پوځي رژيم له داعشي خوارجو سره اړېکې، بهرنۍ پروژې پلي کول، د علماوو او ديني شخصيتونو ترور کول، دا او دې ته ورته د پوځي رژيم هغه کړنې دي چې هيواد مو د انزوا لور ته کش کوي او دا عقيدوي منل شوې مسئله ده چې حکومتونه له کفر سره بقاء لري خو له ظلم سره بقاء نه لري.
د علماوو ترور، ديني مراکزو په نښه کول او د مسلمانانو تر منځ د ويرې فضا رامنځته کول له دې به په دنيا کې بل لوی ظلم وي؛ نو لازمه ده چې تاسو نور د بصيرت، يووالي او فکري ويښتيا له لارې د دغو فتنو پر وړاندې ودرېږي، د دښمن پټې نقشې وپېژني او اجازه ورنه کړي چې د اسلام د نوم په کارولو سره د امت صفونه مات او اسلامي ټولنه کمزورې کړي.
تاسو بايد نور د غفلت او بېپروايۍ له خوبه راويښ شئ، هېواد مو د پوځي رژيم د ناسمو پاليسيو له امله د خطرناک حالت پر لور روان دی، ورځ تر بلې د ناامنۍ، بېثباتۍ او نامعلوم برخليک وېره زياتېږي، د علماوو او ديني شخصيتونو ترور، د ديني مراکزو په نښه کول، د اسلامي ارزښتونو کمزورې کول او د ويرې فضا خپرول هغه کړنې دي چې ټولنه له فکري، عقيدوي او ټولنيز بحران سره مخ کوي.
دا يو منل شوی حقيقت دی چې حکومتونه له کفر بقا مومي، خو ظلم او بېعدالتي د هېڅ نظام د بقاء سبب نه شي کېدای، هغه نظام چې د خپل ولس د فکري او ديني شخصيتونو ساتنه ونه شي کړای، او يا د ولس د اندېښنو پر وړاندې چوپ پاتې شي، طبيعي ده چې د خلکو باور له لاسه ورکوي. له همدې امله تاسو ولس بايد نور د بصيرت، يووالي او فکري ويښتيا له لارې د دغو فتنو او پټو لوبو پر وړاندې بيدار پاتې شئ، د اسلام د نوم تر شا پټې موخې وپېژنو، او اجازه ورنه کړو چې د امت صفونه سره ووېشي او اسلامي ټولنه نوره هم کمزورې کړي.
