خوارجو د امت په منځ کې په نفاق اچولو او له علي رضی الله عنه نه په سر غړونه هم بسنه ونه کړه.
بلکې په دې ټولو سر بېره یې د صحابه کرامو رضی الله عنهم په شهادت رسول د ځان لپاره سعادت بلل.
دوی کې شیطاني صفات ژور وو، عجب او غرور په سر اخيستي وو.
د رسول اللهﷺ ملګرو ته درناوی او احترام د دوی له زړونو وتلی وو.
د اللهﷻرضا یې د دوی په شهادت کې لټوله.
د دوی یو فرد هم د ادب په نوم څه نه پېژندل.
تر دې چې د دوی په خپل منځ کې هم د درناوي او ادب په نامه څه نه وو.
ډېر ځله به یې یو بل ته په وړه غوندې خبره بد القاب کارول او د کفر نسبتونه به يې ورته کول.
دې سطحي اختلاف بیا دوی په څو ډلو وويشل.
ډېری خوارج بیا د جنسي غوښتنو او اړيکو دومره ښکار شوي وو، چې د یو بهتر صحابي په شهادت رسول یې د دې اړيکو په بدل کې تر سره کول.
