د پاکستان پوځي رژیم د اسلام له نوم څخه په استفادې د اسلامي امت په زخمونو مالګې اچوي، د اسلام په نوم چې یې کومه ګټه ترلاسه کړې بیرته یې د اسلام د ريښو په ویستلو کې ور څخه استفاده کړې، د پاکستان عام مسلمانان، سیاسیون او نوره اسلامي نړۍ دې په دې پوه شي چې د پاکستان اوسنی حاکمیت (پوځي رژیم او آى اس آى) په بېلابېلو نومونو غواړي د اسلام تخریب وکړي، دا ځل یې د اسلام، اسلامي نړۍ، لومړې قبلې او د غزې ټوک ټوک مسلمانانو دښمنانو؛ یعنې صهیونیستۍ اسرائیلې ادارې سره لیدنه کتنه او د نتنیاهو په مشرۍ د اسرائیلو مرکز تل ابیب ته سفر کړى دى.
دا سفر یې په ښکاره له مسلمانانو، اسلامي نړۍ، د پاکستان له عامو مسلمانانو، د غزې له مظلومو ټوک ټوک ماشومانو، ښځو او شهیدانو سره د خیانت په معنا دی، په دې وروستیو کې نړۍوالو رسنیو لکه الجزیرې او انڈپینڈنٹ اردو د روان ۲۰۲۵ کال مارچ میاشت په ۱۹ تاریخ د “اسرائیل هایوم” ورځپاڼې په حواله راپور خپور کړ، چې د پاکستاني حکومت څیړونکو په پټه توګه د غاصبو صهیونیستي اسرائیلو مرکز تل ابیب ته سفر کړى، هلته یې د اسرائیلو د استخباراتي ادارې او غاصب حکومت له نورو اړخونو سره کتلي، له هغو سیمو یې لیدنه کړې چې اسرائیلو په زور او جبر له مسلمانانو څخه غصب کړي دي، لکه؛ لومړۍ قبله الاقصی مسجد، “نووا” فیستیوال د برید ځای، ید واشم، کنیست، د براق دیوال، تل ابیب او سدیروت کې د مهمو ځایونو څخه لیدنه.
الجزیره د پاکستاني څیړونکو د سفر اړوند مفصل راپور کې لیکي، چې یاد سفر په پټه ترسره شوى او د همدې سفر ټول ترتیب د اسرائیلو “شارکا” موسسې لخوا تنظیم شوى، چې د اسرائیل او اسیایي هیوادونو ترمنځ د اړیکو د پیاوړتیا لپاره کار کوي، د پلاوي هدف “صهیونیستي غاصبو اسرائیلي یهودانو، د دوی تاریخ” او د پاکستان پوځي رژیم ترمنځ د ښو اړیکو د ښودلو، پیاوړې کولو په معنا دایر شوی دى.
د پاکستان پوځي رژیم چې د هیواد واګې او چارې یې په لاس کې دي، له صهیونیستي اسرائیلو سره څو قدمه تر نورې کفرې نړۍ مخکې ده، کوم پټ سفر چې د دواړو جابرو دولتونو لخوا تنظیم شوی وو، د پاکستان پوځي رژیم له خوا یې د راز په ساتلو زیات تعقیب شوی وو، ځینې جزیات یې رسنیز شوي، چې د پاکستان مجاهد ولس لخوا به له سخت غبرګون سره مخامخ شي، دا چې اوس د پاکستان پوځي رژیم لخوا رسنۍ او د بیان آزادي تر ګواښ لاندې ده، یاده موضوع زیاته نده تکثير شوې، موږ دلته کوښښ کړى چې له یادې موضوع څخه پرده پورته کړو او د پاکستان عام مسلمانان او مجاهدین د پاکستان پوځي رژیم له رذالت څخه خبر کړو.
د صهیونیستي اسرائیلو او د پاکستان پوځي رژیم ګډ هداف:
۱:- اسرائیل په دې کوښښ کې دي چې د کټر/لوی اسرائیلو په نوم د سیمو او خپل غاصب حکومت لمن پراخه او په سیمه کې د رسمیت پيژندلو لپاره د ځان ملاتړي زیات کړي، د ځان او خپلو ګټو په خاطر د پاکستان په څېر لاسپوڅي، ظالم، جابر او فرعوني پوځ ملګرتیا، ښو اړیکو او ملاتړ ته اړتیا لري، په همدي لټه کې دې چې پاکستاني اداره په هر ترتیب د ځان تابع کړي او دا یو ښه فرصت بولي، چې ګټه ترې پورته کړي، دوی دواړه حکومتونه د یو هدف لپاره جوړ شوي او پالیسي يې کوم خاص توپیر نه لري.
۲:- صهیونیستي رژيم په دې لټه کې دی، چې د صهیونیزم نظریه د اسیا نورو هیوادو ته هم پراخه کړي، اسیایي هیوادونو ته؛ لکه پاکستان چې زیات شمېر مسلمانان پکې میشت دي، دا فکر او نظریه ورکړي چې صهیونیستي حکومت جوړول د اسرائیلو حق دی او د پاکستان د شریف ولس لخوا له کوم جدي غبرګون سره مخ نشي.
۳:- اسرائیل غواړي چې د پاکستان پوځي رژیم په څېر د نورو تش په نوم اسلامي هیوادو ملګرتیا خپله کړي او د غزې د روان وضعیت او وحشت اړوند د ځان لپاره داسي دلایل پیدا کړي چې ګواکې موږ په حق یو، فلان او فلان مسلمان هیوادونه هم زموږ په دریځ خوښ دي.
۴:- د پاکستان پوځي رژیم له سخت بحران مخ دی، تر زیات فشار او زور لاندې دی، “اوبو وړي د اوبو ځګ ته هم لاس اچوي”، نو په همدې اساس کوښښ کوي تر څو له فشار څخه د وتلو لپاره د وحشي اسرائیلو په څېر ملګري ولري، تر څو مالي او ځاني همکاري ورسره وکړي.
۵:- د پاکستان پوځي رژیم کوښښ کوي چې له هرې ممکنه لارې د خپل وحشت او دهشت لپاره د ځان په شان د یو بل ځناور او وحشي طبعته غاصب هیواد تخنیکي او مالي همکارې له ځان سره ولري، لکه د نتنیاهو په مشرۍ د اشغالګرو صهیونستانو دولت چې ټول منځنی ختیځ یې له شر څخه کړیږي او د غاصب اشغالګر په نوم پیژندل شوی دی.
۶:- پاکستانې اداره (پوځ او آى اس آى) له سختو اقتصادي مشکلاتو سره مخ ده، د اسرائیلو په مرسته غواړي امریکا ته ځان ورنږدي او د پاکستان عام ولس وژنې لپاره ترې، پیسې، ټانګونه، بمونه او اسلحې وغواړي.
۷:- پاکستان له اسرائیلو سره په اړیکو جوړولو سره غواړي چې په سیمه کې د اسرائیلو او صهیونیستي حکومت ضد اشخاص په نښه او له منځه یوسي، ځینو رسینو داسې خبرونه خپاره کړي، چې پاکستانۍ اداره غواړي، چې د اسرائیلو ضد اشخاص ترور او له منځه یې یوسي.
له پورته ذکر شویو هدافو څخه دا په ډاګه کیږي چې پاکستاني نظامي اداره غواړي چې په سیمه کې د اسلام ریښې وباسي، د عامو مسلمانانو په ضد له وحشت څخه کار واخلي. د پاکستان عام مسلمانان دي په همدې پوه شي چې د پاکستان پوځي رژیم په مکمل ډول خرڅ او په سیمه کې د کرایې پوځ رول ادا کوي، پاکستان د نورو هیوادونو د فرمایشاتو مرکز ګرځېدلی.
د پاکستان پوځي رژیم له اسرئیلو سره په ښو اړیکو جوړولو او رسمیت پیژندلو سره ټول هغه مخالفتونه؛ درواغ، کاذب او له منافقت څخه ډک ثابت شول چې ۷۰ کاله یې د پاکستان شریف ولس پرې خطاء کاوه.
د پاکستان پوځي رژیم به د غزې هغو څه کم سل زره ټوک ټوک، په اور سوځولو ماشومانو، ښځو او له سل زره څخه زیاتو ټوک ټوک زخمیانو او د نړۍ مسلمانانو ته څه ځواب ولري، چې صهیونیستي اسرائیلو لخوا پرې وحشت شوى، د پاکستان پوځي رژیم د دوی سره راشه درشه، ښې اړیکې، صهیونیست حکومت په رسمیت پیژندلو او داسې نورو اړخونو کې ورسره دسیسې په مخ وړي.
د پاکستان مجاهد ولسه! نور په دې پوه شئ چې د پردې شاته نور څه روان دي، د پاکستانې ادارې پوځي او استخباراتې کارمندانو او چارواکو ته هم خواست کوو چې تاسو سودا شوي یاست، تاسو خرڅ شوي یاست او تاسو په سر معاملي کیږي بیدار اوسئ نور دا خطاء او باطل صف پریږدئ، حق ته تسلیم شئ، د حق د لارې لارویان شئ.
