طاهر احرار
په دې بهانه چې ولې د افغانستان اسلامي امارت اسامه بن لادن رحمه الله امريکا ته نه سپاري د اکتوبر په اوومه په افغانستان خونړي بريدونه پیل شول. يرغلګرو افغانستان اشغال کړ، د يو مستحکم جمهوري نظام او بيارغونې شعار يې وړاندې کړ او د دې کار لپاره يې خپل روﺯل شوي غلامان راوستل!
لاتر اوسه امريکا هيڅ داسې شواهد ندي وړاندې کړي، چې د ناين اليون د حملو امر دې اسامه بن لادن ورکړى وي، بيا که امريکا باور درلود نو د اسامه بن لادن هدف ګرځول د دوى لپاره کوم سخت کار هم نه وو، خو اصلاً امريکا په افغانستان کې د يو اسلامي نظام نه په ډار کې وه.
دذدې نظام د ړنګېدلو پخاطر يې په ﺯرګونو مسلمانان نارېنه، ښځې، ماشومان شهېدان کړل، همدومره يې معيوب کړل، کورونه يې ورته تخريب کړل او همدومره نور يې د کالونو لپاره په جيلونو کې د وحشتونو مېلمانه کړل.
د يو مستحکم نظام تر تعهد لاندې يې يو بې کفايته نظام قايم کړ، داسې نظام چې د ظُلم وحشت انتها يې وکړه، په چور او غلا کې د نړۍ په سطحه ياد شول، په اخلاقي فساد يې قلمونه نه راڅرخي، د واک او اختيار قېصې يې پخپله له دوى اوري، د واشنګټن د ساتنې يې مسٶليت درلود، د يوڅو کالونو لپاره يې د خلکو په سترګو کې خاورې واچولې او د نمونې لپاره يې يوڅو سرکونه ورغول، ډالر يې راوړل خو هغه بېرته ولاړل، په بدل کې يې له موږ اسلام غلا کړ، فحش، لواطت، ﺯنا کاري يې ترويح کړه، شراب عام شول، نوى نسل مو د هلاکت پر لور روان وو!
امنيت يې داسې ګډوډ شو، چې د خلکو د ساتلو پرځاى يې خپل ځانونه نشوای ساتلى، ننوتل او له ځانه يې کمربندونه تاو کړل. امريکايان پدې وپوهېدل، چې د اسيا د نيولو لپاره خوب يې دروغجن دی نو د وتلو لپاره پې فکر شروع کړ.
دوى د يو بديل هڅه وکړه داعش يې افغانستان ته انتقال کړ، پرېمانه ډالر او اسلحه يې ورکړه، ترڅو عقېده له عقېدې سره وجنګوي دغه سياست يې هم مات شو، دوى پدې نه پوهېدل چې يوه پلورل شوی داعشي یهودي نظريه به څنګه اسلامي نظريه وننګوي؟
باداران، غلامان، قراداديان ټول د خداى جل جلاله په نصرت او د دې ملت د بې سارې قربانۍ په نتیجه کې ﺫليل او شرمنده شول.
ولله الحمد
