په کابل ښار کې د داعشي فتنه ګرو يوه مهمه شبکه نيول شوې
المرصاد له يوې سرچينې څخه معلومات ترلاسه کړي چې د تيرې چهار شنبې په ورځ چې د ۲۰۲۴ جولای ۱۰ مې نيټې سره سمون خوري، د اسلامي امارت ځانګړو ځواکونو د کابل ښار په پنځمه ناحيه کې د داعشي فتنه ګرو په يو پټڼځای عمليات ترسره کړي، د دوی د يوې مهمې شبکې يو شمير غړي يې نيولي دي او د دې پټنځای څخه يې زياته اندازه منفجره مواد، وسله او مهمات لاس هم ته راوړي دي.
د داعش فتنه ګرو دې شبکې غوښتل د محرم د مياشتې په مراسمو باندې مرګوني بريدونه ترسره کړي.
ويل کيږي د دې پټنځای مسؤول يو داسې افغان دی چې په يو ګاونډي خارجي هيواد کې اوسيده، د داعش خراسان څانګې له لوري چې مرکز يې په بلوچستان کې دی جذب شوی، لومړی يې يوه پاکستانۍ تبعه ميرمن په نکاح ورکړې او بيا یې له روزنې وروسته افغانستان ته را استولی دی.
سرچينه زياتوي چې په نيول شوو کې هغه داعش فتنه ګر هم شامل دی چې څو مياشتې مخکې يې د کابل ښار په کوټه سنګي سيمه کې د اهل تشيع د يو سپرلی په موټر بريد ترسره کړی و.
ويل کيږي له دې شبکې څخه په پاکستان کې د ځينو مذهبي علماوو، مدرسو او حکومت مخالفو مطرح شخصيتونو او سیاستوالو يو لست هم لاس ته راغلی دی چې داعشي فتنه ګر غواړي ترور يې کړي او په دوی کې ځينې ترور شوي هم دي، همدغه راز په افغانستان او يو بل ګاونډي هيواد کې هم له دوی څخه د ځينو اهدافو لست ترلاسه شوی دی.
قربان مو له عملیاتو شم، استخبارات همداسيوي چي قبل الوقوع یې مخه ونیسي. او له المرصاد څخه هم نړۍ نړۍ مننه چي د دې خوارجو پر وړاندي د حق سنګر ګرم ساتلی دی.