د اسلامي امت د ځوانانو جلب او جذب:
بې له شکه ځوان قشر په اسلامي ټولنه کې د دین د پرمختګ او د ټولنې د اصلاح په برخه کې مهم او کلیدي رول لوبوي، د تاریخ په هره مرحله کې دې امت د اسلام د خدمت لپاره خپل ځان وقف کړی او اسلامي ټولنې ته یې د ستایلو وړ خدمتونه ترسره کړي دي.
د اسلام له پیل څخه تر اوسه په ډېرو مواردو کې داسې ځوانان تېر شوي دي لکه: خالد بن ولید، اسامه بن زید، سلطان محمد فاتح، صلاح الدین ایوبي، طارق بن زیاد، محمد بن قاسم او نور… چې د خپلو بې ساري اتلولیو په ترسره کولو سره یې د اسلامي امت په تاریخ کې زرینې پاڼې ثبت کړي دي.
له همدې امله د اسلام دښمنان د اسلامي ټولنې له دې ځواکمن قشر څخه غافل نه دي پاتې شوي او د هغوی سره د مقابلې لپاره یې له هرې وسیلې او وسلې څخه کار اخیستی دی.
هو! کفري نړۍ ته د داعشي خوارجو یو بل ښه خدمت د اسلام د دښمنانو د ناوړه موخو د تحقق لپاره د اسلامي امت د ځوانانو قرباني کول ګڼلی شو؛ هغه ځوانان چې هر یو یې د اسلامي نړۍ لپاره د هيلو شمع ګڼل کېده، خو له داعش سره په یوځای کېدو او د عصر د خوارجو په زهرجن دام کې له لوېدو سره، هر یوه یې د دین او اسلامي مقدساتو په ریښو تبر وواهه.
د داعش د خیالي خلافت تر اعلانېدو وړاندې، دا زهرجنه فتنه یوازې د عراق تر ښارونو پورې محدوده وه، خو په سوریه کې د هغې په پراخېدو او ورپسې د خلافت په اعلانېدو سره، ډېرو ځوانانو د خوارجو له پراخو تبلیغاتو څخه تر اغېز لاندې راتلو سره، خپل اهل و عیال پرېښودل او د خوارجو تر بیرغ لاندې راټول شول.
د خوارجو فتنې نه یوازې په اسلامي هېوادونو کې مېشت ځوانان په نښه کړل، بلکې د غربي او اروپایي هېوادونو لکه: فرانسې، انګلستان، آلمان، بلجیم، هالنډ، اسپانیا، ایټالیا، سویډن، ډنمارک، ناروې، اتریش، کاناډا او امریکا څخه هم ډېر ځوانان په خپل باطل صف کې جذب کړل.
هغه ځوانان چې په دغو هېوادونو کې د هغوی شتون او د نورو دینونو د پیروانو ته د اسلام مبین دین په لور بلنه او لارښوونه د مسلمانانو لپاره یو ډېر لوی امتیاز و، په داسې حال کې چې د خوارجو له لیکو سره په یوځای کېدو سره، نه یوازې د اسلام په اړه یې غربيانو ته ناسم تعریف وړاندې کړ، بلکې دوی پخپله هم د اسلام د دښمنانو په لاس کې د یوې وسلې په توګه واقع شول.
په غربي هېوادونو کې مجازي فضا او د داعشي خوارجو پراخ تبلیغاتي کمپاین، «په داسې حال کې چې غربي قدرتونو کولای شول چې د دغو تبلیغاتو مخه ونیسي» د دې لامل شو چې نوي مسلمان شوي ځوانان یا د دغو هېوادونو نور اوسېدونکي مسلمانان د دغو تبلیغاتو تر اغېز لاندې راشي او د خوارجو د فلاکت دام کې اسیران شي.
داعشي خوارجو د خلکو د دروغجن ژوند د وضعیت څخه د دروغجنو او بې بنسټه فلمونو په جوړولو سره د خپل ځان اعلان شوي خلافت تر تورې واکمنۍ لاندې، ډېر مسلمانان په ځانګړې توګه د امت ځوان قشر دوکه کړ او هغوی یې په خپل صف کې د اسلام او مسلمانانو په مقابل کې ودرول.
هغه تریخ حقیقت چې د اسلام د دښمنانو لپاره د داعشي خوارجو د رښتینو خدمتونو په برکت، په لویه کچه د کفر د نړۍ په ګټه او د اسلامي امت په زیان تمام شو.
