په تېره برخه کې مو د يهودو لومړنی صفت ولوست. په دې برخه کې به ان شاءالله د يهودو يو بل صفت تشريح کړو، تر څو د دوی ناوړه افعال واضح شي او د هغوی حقیقي مخ نړيوالو ته ښکاره شي.
۲: قساوت او خشونت
د یهودو دويم صفت چې هغوی پرې اخته دي او هره ورځ يې ترسره کوي، هغه قساوت، خشونت او تجاوز دی، الله جل جلاله په قرآن عظيم الشان کې د یهودو د همدې صفت په اړه فرمايي:
﴿ثُمَّ قَسَتْ قُلُوبُكُمْ مِنْ بَعْدِ ذٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ ۚ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ ۚ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ ۗ وَمَا اللَّهُ بِغَافِلٍ عَمَّا تَعْمَلُونَ﴾
البقره، آیت ۷۴
ژباړه: بیا ستاسې زړونه له دې (معجزې) وروسته سخت شول؛ لکه ډبرې، بلکې تر هغې هم سخت شول. ځکه له ډبرو داسې هم دي چې له ځینو سيندونه راووځي، ځینې یې څیرېږي چې اوبه ترې راوځي، او ځینې داسې دي چې د الله له وېري راپریوځي او الله ستاسې له کړنو هېڅ غافل نه دی.
الله جل جلاله په دې آیت کې د یو ښکلي مثال له لارې د یهودو د زړونو د سختۍ او قساوت درجه بیانوي. وایي چې ځینې زړونه داسې سخت مرحلې ته رسېږي چې حتی له تر ټولو سختو ډبرو هم سخت شي؛ نه د عاطفې چینه ترې راخوټېږي، نه د مهر څاڅکی ترې راوځي، او نه د الله له وېري رپېږي. دا د بنياسرائیلو لپاره، او همدارنګه د هغو ټولو لپاره چې د هغوی په قدم پسې ځي، یو پټ ګواښ دی.
مناخیم بېګین، چې د صهیونیستي ترهګرې ډلې يو مشر او د لیکود حزب رهبر و، په خپل کتاب «بغاوت» کې د جګړې او تاوتریخوالي په اړه داسې وایي: «موږ جګړه کوو نو ځکه موږ موجود یو» دا څرګندوي چې د افراطي صهیونیستي فکر بنسټ د زور، تېري، خشونت او جنګ پر مفکورې ولاړ دی.
هر څوک چې د اشغالګر رژیم معاصر تاریخ او د هغوی چلند د فلسطینیانو او عربانو په وړاندې مطالعه کړي، په اسانۍ پوهېږي چې دا رژیم د زور، فشار، تجاوز او سخت چلند له لارې خپلې موخې تعقیبوي، او دغه عملونه د دوی د رسمي سیاست يوه برخه ګرځېدلې ده.
له څرګندو شواهدو څخه چې د دې تاوتریخوالي طبیعت ښکاره کوي، هغه تکراري حملې دي چې يهود یې د فلسطینیانو د وېرولو، شړلو او د ځمکو د خالي کولو په موخه ترسره کوي. همدارنګه، د فلسطيني ځمکو غصب او هغه،د اشغالګر رژیم سره ضمیمه کول د دې سیاست بل څرګند مثال دی.
په غزه او قدس کې د ښارګوټو پراخې ويجاړۍ، په روژې مبارکې میاشت کې د سهار پر مهال د مسجد الخلیل برید او د عبادت کوونکو شهادت، او د «طوفان الاقصی» له عملیاتو وروسته تر اوسه نږدې ۷۰ زره شهیدان او نږدې ۱۸۰ زره ټپیان، دا هغه پېښې دي چې د اشغالګر رژیم د سخت، قساوت، بېرحمانه او بېپروا چلند څرګندونه کوي.
دا ټول شواهد نړیوالو ته دا راښيي چې اشغالګر رژیم د منطق او سولهییزو لارو پر ځای د ځواک، زور او عسکري فشار له لارې خبرې کوي. تر دې هم دردناکه خبره دا ده چې د دوی ځینې افراطي مشران خپلو پوځیانو ته وایي چې د غیرنظامیانو وژل هغوی ته “شرعي دنده” ده، که څه هم هغوی بېګناه او معصوم وي.
