لکه څنګه چې اسرائیل او پاکستان په یوه وخت کې د یوه هدف لپاره جوړ شول، اوس هم دوی د خپل تیر تاریخ په څېر د یوه هدف لپاره چې مسلمان وژنه، اسلام ځپنه او نسل وژنه ده، په چټکي او تیزی سره کار کوي. دغه دوه ورور هیوادونه چې د اسلامي امت په بیلابیلو جغرافیو کې د سرطان په حیث راټوکیدلي دي، د مسلمان وژنې په پار یې له هېڅ شي څخه مخ نه دی اړولی.
د روژې له پیل څخه دوه ورځې مخکې د اسلامي امارت ځواکونو د پاکستان د دجالي او سفاک رژیم څو تنه پوځیان ازاد کړل. بالمقابل، دغه خوانخوار او احسان فراموش رژیم د حیوان په څېر د دغه احسان په مقابل کې د صهیونسټي رژیم له کړنو څخه په تقلید، په نیمه شپه کې د ګلالیو ماشومانو او ملالیو ښځو هډونه وویشتل، مقدسې قرآني نسخې یې ویسیزلي او مدرسې یې ړنګې کړې.
په همدغو ورځو کې د منځني ختیځ اسرائیلو پر بله اسلامي جغرافیه، ایران، بریدونه وکړل او هلته یې د مسلمان وژنې هڅې کولې. دواړو اسرائیلي رژیمونو د مسلمانانو مقدسې میاشتې، ماشومانو او بې ګناه وګړو ته ونه کتل. اسرائیلي رژیم چې ځان یهود ګڼي، پر ایران برید وکړ او پوځي رژیم چې ځان مسلمان ګڼي، تر همدغه یهودو یې سختې او ړندې بمبارۍ ته دوام ورکړ.
اوس چې اختر په رانږدې کېدلو دی، دغه خوانخوار رژیم یو ځل بیا د اسرائیلو د هغه عادت په شان چې هر کال به یې په مسجد الاقصی کې د اختر په نږدې ورځو کې مسلمانان شهیدانول، په غزه کې به یې روغتونونه په نښه کول او د نړۍ د مؤمنانو اختر یې په غم بدلول، دغه حیوان صفته پوځ او درنده مشرانو یې هم د افغانستان پر پلازمېنه کابل کې د معتادینو روغتون په نښه کړ او په سلګونو بې ګناه ناروغان یې شهیدان او ټپیان کړل.
کله چې اسرائیلو په غزه کې کوم لوی روغتون لکه مستشفی الناصر، مستشفی الشفاء، شهداء الاقصی یا داسی نور په نښه کړل، نو سمدستي به یې د رسنیو کارکونکو ادعا وکړه چې تر روغتون لاندې د حماس ځواکونه وو او ورته نورې بهانې به یې کولي. یعنې داسې دروغ یې نه ویل چې “موږ روغتون نه دی په نښه کړی”، برعکس دغه مشرقي اسرائیلو چې کله روغتون په نښه کړ، ټولو خبریالانو او رسنیو روغتون، ټپیان، شهیدان د هر یوه بېل بېل انځورګري وکړه. ټولې نړۍ روغتون ولید او ټولې نړۍ د دې شاهده شوه چې هلته ناروغان چې رغېدلي نه وو، د رنځ او درد په حالت کې په وینو ولړل شول. بیا د پوځي رژیم بې حیا ویاندویانو ویل چې “موږ په کابل کې پوځي مرکزونه په نښه کړل.”
یاد ټول جنایات هماغه ادعاوې ثابتوي چې د پاکستان او اسرائیلو ایجاد د یوه هدف لپاره، چې مسلمان وژنه او اسلام ځپنه ده، شوی دی. خو د پاکستان پوځي رژیم دې خبردار وي چې افغانانو هېچا ته خپل پور او د شهیدانو د وینو انتقام نه دی پرېښی. هر چا چې د کابل عظمت، جلال او غرور ته په چپه کتل دي او پر دغه اسلامي خاوره یې پلیتي پښې لمس کړي دي، بیا موږ په وینو کې لمبولې دي، مورانې مو پرې بوري کړي دي، پلرونه مو پرې ژړولي دي او د مؤمن کابل انتقام مو په څو چنده ترې اخیستی دی.
دا د هغه محمد الفاتح د اجدادو اولادونه دي چې د قسطنطیې پر دیوالو یې د صلیبیانو غوښې او ډبرې په منجنیقونو یو کړي دي، د هغه غزنوي سلطان احفاد دي چې په سند، پنجاب او هند کې یې د یرغلګرو پر سینو غشي ټومبلي دي او سرونه یې په نیزو کې تر سومنات بوت پورې وړل شوي دي، او هغه پري ټوټه ټوټه شوي دي، د هغه پلرونو روزل شوي بچیان دي چې په دوو سختو وینه بهونکو جګړو کې یې د انګریزي استعمارګرو وینې د میوند پر دښتو بهولې دي، د غازيانو باغونه یې پرې اوبه کړي دي او تر کورونو یې ځغلولي دي، شرقي یرغلګرو ته یې د سر په کاسه کې اوبه ورکړي دي، په زرګونو سره پوځیان یې تر تورو خاورو لاندې کړي دي.
هغه ملا صاحب روزل شوي سپاهیان دي چې امریکایي طاغوت ته یې سخت عذابونه ورڅکلي دي، لاسونه او پښې یې پرې کړي دي، له ذایقه او شامه قوي څخه یې خلاص کړي دي. دا هر څه یې په تشو لاسونو او په ناچیزه مادیاتو ستاسې باداران تر دغه حاله را رسولي دي، لاړې نه ده چې تاسې به هم د خپلو بادارنو په شان په همدغه بدبخت عاقبت اخته شئ. د ناروغو شهیدانو انتقام به ډېر سخت وي، د اسلام دغه جغرافیه به وسعت ومومي، د شیخ صاحب د حسینو لښکرو پر وړاندې به هېڅ سیکولر یا لاډمیکالي پلیت خنډ نشي، او مظلوم ملتونه به ستاسې له جبر او ظلم څخه خلاص شي، بإذن الله.
