د داعش په وده کې دوه همغږي ګاونډیان
ابو هاجر الکردي
کېدای شي په دې ورځو کې مو د داعش د یوه مشر (عبدالله کویټه) په پاکستان کې د نیول کېدو او ایران ته د هغه د لېږد په اړه خبرونه اورېدلي وي.
د ایران د خبري سرچینو او ترلاسه شویو معلوماتو له مخې، عبدالله کویټه د داعش له مشرانو څخه و او د ایران په کرمان ښار کې د قاسم سلیماني د مړینې د تلین په غونډه کې چې تر سلو زیات کسان په کې مړه او ټپیان شول، د برید طراح وو.
د یادولو وړ خبره دا ده چې د پاکستان حکومت په وار وار ادعاوې کړي چې د افغانستان اسلامي امارت تر واکمنۍ لاندې د داعش ځاله ده؛ خو د کره معلوماتو پر اساس چې د پاکستان حکومت په ښکاره د خیبر پښتونخوا، بلوچستان او د سند په ځینو برخو کې خوارجو ته ځای ورکړی چې له پوځي روزنې وروسته په پاکستان او افغانستان کې د سُني علماوو پر ضد بریدونه وکړي.
د پاکستان حکومت چې تل د داعش پر ضد د جګړې ادعاوې کوي او ظاهراً له غربي هېوادونو څخه د داعش پر ضد د مبارزې لپاره باج (پیسۍ) اخلي، په حقیقت کې په خپلو څرګندونو او کاذبو راپورونو کې د افغانستان توهین کوي.
بل د پام وړ ټکی دا دی چې د تاجکستان او پاکستان د حکومتونو ترمنځ په متقابل تفاهم او همکارۍ کې دوی دې نتیجې ته رسیدلي چې په سیمه کې به د داعش بشري قوه تاجکستان تیاروي او پوځي زده کړې به پاکستان ورکوي.
پوښتنه دلته ده؛ که افغانستان د داعش لپاره خوندي ځای وای او هغوی د اسلامي امارت له خوا ګواښل شوي نه وای، ستاسو په نظر به دوی د افغانستان په پرتله په پاکستان کې پاتې کېدل غوره کړي وای؟
ځواب دا دی چې د دې هېواد د زړورو بچیانو له سختو ګوزارونو وروسته د داعش ځیني روزل شوي او باغي غلامان وژل شوي او نورو یې د پاکستان او تاجکستان خوندي ځایونو ته پناه وړې ده.
په دې توګه خدای تعالی جل جلاله هغه څوک ناکامه او رسوا کوي؛ څوک چې په نورو اتهام او درواغ تړي.
