د الرمادي ښار ناویلې کیسې:
په اسلامي هیوادونو او د اهل سنتو پر وړاندې د داعش جنایتونه دومره پراخ دي چې شرح کول یې د انسان د توان څخه بهر دي، په عراق کې د دې ډلې د وحشت په موده کې، د ۲۰۱۴ او ۲۰۱۵ کلونو ترمنځ په الرمادي ښار کې پراخ او بې رحمه جنایتونه ترسره شول، چې موخه یې د دې ښار د ټولنیز-مدني جوړښت ویجاړول او وېره خپرول وو.
په تیرو برخو کې مو یادونه وکړه چې الرمادي د عراق په لوېدیځ کې د الانبار ولایت مرکز دی، دا ښار د عراق د مهمو ستراتیژیکو سیمو څخه دی چې د بغداد او سوریې په لویه لاره پروت دی او تل د شخړو مرکز پاتې شوی دی.
د ۲۰۱۵ کال د می په ۱۷مه (د ۱۳۹۴ کال د ثور ۲۷مه) داعش ډلې وکولی شول چې د عراقي پوځیانو سره د اونیو جګړو وروسته د الرمادي ښار بشپړ کنټرول ترلاسه کړي، د بشپړ سقوط څخه وړاندې، ښار د میاشتو راهیسې د داعش تر محاصرې لاندې و او جګړې د ۲۰۱۴ کال په وروستیو کې پیل شوې وې.
په رمادي کې د داعش ظلمونه او جنایتونه په څو برخو وېشل شوي وو:
۱- ډلهییز اعدامونه او صحرایي وژنې
د الرمادي ښار له نیولو وروسته:
داعش لسګونه ملکي وګړي، دولتي کارکوونکي، پوځي او پولیس افسران د حکومت سره د همکارۍ په تور اعدام کړل، ځینې اعدامونه د ښار په عمومي چوک کې او ځینې یې د الرمادي شاوخوا په صحراو کې ترسره شول، د عراق د خبري سرچینو په وینا، د ۲۰۱۵ کال جون میاشت کې، په یوه پېښه کې له سلو زیات ملکي وګړي او د اهل سنت ځوانان د داعش لخوا د بې بنسټه او باطل تورونو په اساس ووژل شول، چې دا د فاجعې ژورتیا په ګوته کوي.
۲. ملکي خلک د انساني ډال په توګه کارول:
داعش ډلې په ډیری سیمو کې له کورنیو او خلکو څخه د انساني ډال په توګه کار اخیست، ترڅو له هوایي بریدونو څخه خوندي پاتې شي، د ۲۰۱۵ کال په وروستیو کې، خبري سرچینو وویل چې له ۱۵۰۰ څخه زیات ملکي وګړي په عمدي توګه په هغو ودانیو کې ځای پر ځای شوي وو چې داعش یې د قوماندې مرکزونو په توګه کارولې وې.
۳. د عامه شتمنیو او زیربناوو پراخه ویجاړول:
داعش ډلې له اشغال وروسته د ښوونځیو، روغتونونو، جوماتونو، پلونو او نورو مرکزونو په ویجاړولو پیل وکړ، د ترلاسه شویو ارقامو له مخې، د الرمادي د ښاري زیربناوې ۸۰٪ څخه زیات ویجاړې شوې وې.
۴. شکنجه او د بدن غړي پرې کول؛
ډیری هغه وګړي چې د داعش له فرمانونو یې سرغړونه کوله یا پرته له کوم دلیل څخه به د حکومت سره په همکارۍ تورن شوي وو، غړي یې پرې کېدل، د ۲۰۱۵ کال د دسمبر په ۲۸مه، د عراق د هغه وخت لومړي وزیر حیدر العبادي اعلان وکړ چې الرمادي ښار په بشپړ ډول د داعش له نیواکه وتلی او رافضي ځواکونو یې کنټرول په لاس کې اخیستی دی.
د الرمادي له نیولو وروسته د رافضي حشد او د ایران سپاه پاسداران لخوا چې څه وشول، هغه د اهل سنتو پر مظلومو ماشومانو او میرمنو بې پایانه غچ اخیستونکي ظلمونه وو، چې پرې شوي سرونه، بې روحه جسدونه او ډلهییز قبرونه د دې فاجعې د ژورتیا قوي دلیلونه دي.
