په اسلامي تمدن کې هیڅکله مسلمان د ظلم، اشغال او ناروا پر وړاندې چوپ نه دې پاتې شوی. اسلام یو داسې دین دی چې خپل پیروان یوازې له دعا، احساساتو او تشو شعارونو سره نه پرېږدي، بلکې له هر ډول تېري سره د عملي غبرګون امر کوي. مسلمان ته امر شوی چې د حق ملاتړ وکړي او باطل ته عملي ځواب ورکړي.
الله تعالی په قرآن عظيم الشان کې فرمایي: “وَأَعِدُّوا لَهُم مَّا اسْتَطَعْتُم مِّن قُوَّةٍ” (سورة الأنفال: آیت ٦٠)
ژباړه: “د دښمن لپاره، څومره چې وس لرئ، د قوت (او طاقت) تیاري ونیسئ.” دا آیت واضح کوي چې اسلام تشې خبرې نه، بلکې د تیاري او عملي اقداماتو دین دی.
بل ځای کي الله جل جلاله فرمايي: فَلَا تَهِنُوا وَتَدْعُوا إِلَى السَّلْمِ وَأَنْتُمُ الْأَعْلَوْنَ وَاللهُ مَعَكُمْ وَلَنْ يَتِرَكُمْ أَعْمَالَكُمْ (سورة محمد، آيت ۳۵)ژباړه: نو تاسو سستي مه كوئ او سولې ته بلنه مه وركوئ، په داسې حال كې چې هم تاسو به غالب یئ، او الله له تاسو سره دى او هغه به ستاسو عملونه له سره ضايع (او كم) نه كړي
دغه مبارک آيت مسلمانانو ته په سختو حالاتو کې د ثبات، استقامت او لوړ حوصلې درس ورکوي او مسلمانانو ته امر کوي چې له کمزورۍ او بې باکۍ ځان وساتي.
همدارنګه رسول الله صلی الله علیه وسلم تل د ظلم پر وړاندې عملي دریځ غوره کاوه. د بدر، احد، خندق او نورو غزاوو هدف یوازې دفاع نه، بلکې د باطل ځپنه وه، آن کله چې د صلح حدیبیې تړون وشو، هم دا یو حکیمانه عملي اقدام و، نه فقط یوه محکومیت.
په اسلامي تاریخ کې مجاهدینو، فاتحینو او علماوو خپل دین، عزت او وطن یوازې په خبرو نه، بلکې د قربانیو، هجرتونو، جهادونو او پرله پسې عملي دریځونو وساته. قتیبه بن مسلم، صلاحالدین ایوبي، او امام احمد بن حنبل ـ هر یو ددې عمل نمونې دي.
په معاصر تاریخ کې هم افغان مسلمان ملت د نړۍ یو له هغو ملتونو دی چې د استعمار، اشغال او ظلم پر وړاندې یې تل عملي ځواب ورکړی.افغان مسلمان ملت د چنګېز خان له یرغلونو، د هغه د زامنو له بربریت، د صفوي مذهبپرستو له تعصبنه ډکو لشکرکشیو، د انګریز استعماري بریدونو، د شوروي اتحاد تر وسلوال اشغال پورې، او بيا د امريکايي اشغال تر پايه، د هر ډول تجاوز پر وړاندې خپل غږ پورته کړی، خپل ټغريي نه دی ټول کړی .
په دې وروستیو کې، د اسلامي امارت د سرښندونکو مجاهدینو له لوري د پاکستان د ناکام یرغل پر وړاندې پرېکنده، سخته او ځوابي دفاع دا وښوده چې اوسنی نظام د خپل ملت، خپلواکۍ او ملي عزت په وړاندې ژور تعهد او ریښتینی وفاداري لري. دغه غبرګون یوازې یو نظامي اقدام نه و، بلکې یو قوي پیغام و، چې د تاریخ د سرلوړو اسلافو پر قدمونو د تګ ژمنه پکې نغښتې وه.
لکه څرنګه چې زموږ د تاریخ اتلان د هر متجاوز پر وړاندې سینه سپر کړې وه، همدا راز اوسنی اسلامي نظام نه غواړي د کوم هیواد تیری او یرغل بې ځوابه پاتې شي.
د پورتني آيتونو یو روښانه مصداق په ننني عصر کې د افغانستان د اسلامي امارت مجاهدین دي، ځکه چې د اشغالګرو او متجاوزینو پر وړاندې یې تل د ایمان، وقار او عزت دریځ خپل کړی دی. په ځانګړي ډول دپاکستان د وروستیو تحرکاتو او تعرضونو پر وړاندې، د اسلامي امارت مجاهدینو هیڅکله ناهیلي یا سستې نه ده ښودلې. بلکې، بالعکس د هغوی له لوري په مکرر ډول د سولې او نرمښت غوښتنې شوې.
د اسلامي امارت د مجاهدينو دغه وروستۍ غبرګون نه یوازې داخلي یووالي ته وده ورکوي، بلکې نړیوالو ته دا پیغام ورکوي چې د افغانانو خاوره د هېڅ اجنبي لپاره بېدفاعه او بېصاحب نه ده. هر څوک چې زموږ ملي حریم ته لاس وغځوي، له قاطع، سخت او سرلوړي غبرګون سره به مخ شي.
