ټول هېوادونه باید د انساني فطرت له مخې د نورو په وړاندې د بېضررهتوب رول ولوبوي. همدا صفت بیا د ګاونډي په وړاندې د خواخوږۍ په پاللو او درک کولو کې څرګندېږي. بل دا چې هېوادونه، په ځانګړې توګه یو د بل ګاونډي هېوادونه، د اصولو له مخې مکلف دي چې د یو بل په وړاندې د تخریبي او زیانرسوونکو کړنو په اړه حساس او مسؤل واوسي؛ نه دا چې خپل ګاونډي او نورو هېوادونو ته د زیان رسولو او تخریبي کړنو اجازه ورکړي او بیا د دغو کړنو د ترسره کولو لارې چارې هم ورته برابرې کړي.
د لسیزو په جریان کې د پاکستان پوځي رژیم د نړۍ له اصولو او د ګاونډیتوب له حقونو څخه ښکاره سرغړونې پیل کړې دي. خو دا سرغړونې څنګه او د چا په مرسته ترسره کېږي؟ د دغه جوړښت په اړه نړۍ تر ډېره اشنا ده. ویل کېږي چې دغه کرایي اربکیان وو. څه موده وروسته، کله چې د برتانیې او صلیبیانو له لوري دوه ریاستونه رامنځته شول، چې یو یې اسرائیل او بل یې پاکستان و، د دغو دواړو د جوړېدو لومړني اهداف دا وو چې اسرائیل به د عربو د کنټرول او د طبیعي زېرمو د ترلاسه کولو لپاره ګومارل شوی وي او پاکستان به بیا په اسیا کې د روسیې د مخنیوي لپاره کارول کېږي. خو اوس مهال د دوی اهداف بدل شوي دي.
دوی د صلیبي او یهودي پلانونو او توطیو په مرکزونو بدل شوي او د لوېدیځ د ظلم او وحشت اډې هم ګرځېدلي دي؛ داسې اډې چې افغانان او فلسطینیان یې د خپلو اهدافو ښکار ګرځولي دي. زما اصلي موضوع د بشري قوانینو خلاف کړنې دي؛ دا چې دغه رژیم په افغانستان او سیمه کې د چا د ګټو او د چا لپاره کار کوي زما په اند، هغه امریکا او لوېدیځ دي.
نن پاکستان په زغرده د بشري قوانینو او هغو تعهداتو خلاف عمل کوي چې د قدرتمندو هېوادونو له لوري د نړیوالو سازمانونو په چوکاټ کې رامنځته شوي دي. همدارنګه، د سیمې له هېوادونو سره پوځي، دفاعي او د همکارۍ تړونونه ماتوي او تر پښو لاندې کوي؛ ځکه چې د لوېدیځ او یهودانو اهداف پر مخ وړي او د دوی د پروژو د پلي کولو لپاره ګومارل شوی دی. نو څوک به یې ګناه او جرم ته د ګناه او جرم په سترګه وګوري، او څنګه به یې په وړاندې اقدام وشي؟
په پښتونخوا کې له ډېرې مودې راهیسې ناامني د دې ښکارندویي کوي چې د ولس د قربانیو او ناسم استعمال له لارې د یوې یا څو فتنو د رامنځته کولو هڅې کېږي. د پاکستان پوځي رژیم د خپلې بقا او ځواک لپاره له بېلابېلو لارو کار اخلي. کله ناکله ګاونډي او سیمهییز هېوادونه د خپلې مرموزې، فتنهګرې او وحشیانه جګړې ښکار کوي. دغه او ورته کړنې یې څو ځله تکرار کړې هم دي.
خو په تېرو څو کلونو کې یې د داعش او نورو تخریبي ډلو په نوم له کرایي ملیشو او هغو ناپوهه عامو انسانانو څخه ګټه اخیستې چې د اجورې په بدل کې رامخې ته کېږي، څو د پاکستان د ولس، افغانستان او په ټوله کې د سیمهییزو هېوادونو د ناامنۍ لامل وګرځي. د ادعا له مخې، د پاکستان په خاوره کې د داعش او نورو ورانکارو ډلو ګڼ مرکزونه او پټنځایونه شته، چې ډېری یې په پښتونخوا او بلوچستان کې هم کشف شوي دي. ویل کېږي چې له دغو مرکزونو څخه د افغانستان، ترکیې او روسیې پر وړاندې تخریبي کړنې او استخباراتي اهداف تعقیب شوي دي. ځینې کسان تر خپلو موخو ته تر رسېدو مخکې نیول شوي او د دوی د اقرارونو له مخې، د پاکستان د پوځي رژیم او داعش ډلې ترمنځ د اړیکو ادعاوې هم شوې دي.
په پښتونخوا کې اوسنی پوځي وضعیت د دې ښکارندویي کوي چې د داعش او نورو تخریبي ډلو په نوم د مرکزونو جوړول او روزنه ترسره کېږي، څو له دغو روزل شوو ډلو څخه نه یوازې په خپلمنځي غچ اخیستنه، د مهمو او محوري اشخاصو په ترور او مرموزو وژنو کې کار واخیستل شي، بلکې په ګاونډیو او سیمهییزو هېوادونو کې هم ورته تخریبي فعالیتونه ترسره کړي.
ځکه کله چې یو رژیم دومره بېوسه شي چې د قناعت، خبرو او حقایقو ته د رسېدو پر ځای د پټ وحشت او ظلم لاره غوره کړي، نو دا ښيي چې د هغه د پالیسیو او د قانون د حاکمیت اصلي موخه د خپل واک او بقا ساتل دي.
که لږ تر لږه لږه څېړنه وکړو، نو زما په اند، پاکستان یوازې یو خپلواک ریاست نه دی، بلکې د لوېدیځ او یهودانو د پلانونو د پلي کولو اډه او د هغوی د ګوزارونو سنګر هم ګرځېدلی دی. ځکه له یوې خوا ځان د نړۍ په وړاندې د ناامنۍ، وحشت، تخریبکارۍ او ترهګرۍ پر ضد مبارز معرفي کوي، خو له بلې خوا بیا د نړۍ همدغه ممنوع او غندل شوي اعمال او کړنې د دغه هېواد د پوځ له لوري ترسره کېږي. داعش له همدې خاورې راڅرګندېږي او د ګاونډیو پر وړاندې د زیان رسوونکو ډلو د راټوکېدو او فعالیتونو تورونه هم پر همدې رژیم پورې تړل کېږي، جالبه نه ده؟
