د داعش لخوا د البوکمال ښار نیول او په شام کې د اهل السنة د بچیانو په وړاندې د جنایتونو دوام:
وروسته له هغې چې داعشیانو د افعي مار په څېر خپل زهر د المیادین په ښار کې د اهل السنة په وجود کې تزریق کړل، په ۲۰۱۴ مېلادي کال کې د البوکمال ښار هم د دوی تر تسلط او اشغال لاندې راغی او له هغه ځایه چې د البوکمال ښار یو ستراتیژیک سرحدي ښار، د عراق او شام تر منځ د نښلولو نقطه او همدا راز د دواړو هېوادونو تر منځ د نظامي تجهیزاتو د لېږدولو اصلي لویه لار وه، نو د سوریې انقلابیونو لپاره نصیري نظام او داعش ځانګړی اهمیت درلود.
وروسته له هغې چې دغه ښار د مجاهدینو تر ولکې لاندې راغی او نصیري نظام د هغه په بېرته نیولو کې عاجز شو، نو داعش ته یې لاس اوږد کړ، چې هغوی په چل او فریب سره دغه ستراتیژیک ښار تر خپل کنټرول لاندې راوست.
داعش که څه هم د البوکمال ښار له نیولو وروسته نورو نقطو ته هم نفوذ وکړ او په فریب او چل سره یې لسګونه نور ښارونه هم اشغال کړل؛ خو د البوکمال ښار د سوریې له بېلابېلو ساحو څخه د دوی له شاتګ وروسته د داعش تر ټولو وروستی ښار ګڼل کېږي، چې په راتلونکو برخو کې به په شام او عراق کې د داعش د حکومت د پای ته رسېدو په اړه په تفصیلي توګه بیان شي.
د البوکمال ښار ستراتیژیک اهمیت:
۱:- جغرافیایي موقعیت: د سوریې او عراق په سرحد کې موقعیت لري او د القائم – البوکمال د لارې په واسطه دواړه هېوادونه سره نښلوي.
۲:- د روافضو د شرارت د محور ځمکنی مسیر: د ایران، عراق، سوریې او لبنان ترمنځ د اړیکو په مسیر کې یوه کلیدي حلقه وه.
۳:- نظامي اهمیت: په سوریه کې د داعش یوه وروستۍ اډه وه او د داعشیانو له شاتګ وروسته د مقاومت ځواکونو په مرکز بدل شو.
۴:- اقتصادي اهمیت: د دیرالزور د تېلو او ګازو سرچینو ته نږدې او د سوریې او عراق ترمنځ د سوداګرۍ یوه مهمه لار ده.
۵:- د سیمهییزو او نړیوالو قدرتونو د تقابل نقطه: د ژئوپلیتیکي اهمیت له امله د سیمې د اشغالګرو هېوادونو تر منځ د سیالۍ ځای.
د دغو عواملو له امله، البوکمال لا هم د سوریې او سیمې په معادلو کې یوه کلیدي نقطه ده.
