دا ښکاره ده، چې خدای جل جلاله تل بریا حق او رښتینو خلګو ته ور کوي، په ځانګړې توګه هغه چا ته چې د خدای جل جلاله پر پاکه ځمکه د هغه شریعت او د رسول الله صلی الله علیه وسلم نبوي تګلاره پلي او عملي کوي.
داعش چې د خدای جل جلاله د همدې سپیڅلي دین او د رسول الله صلی الله علیه وسلم د نبوي تګلارې مخالفین دي او نه غواړي چې د الله تعالی قانون پر ځمکه پلي شي، تل هڅه کوي چې د دې شرعي نظام او مسلمان ملت په وړاندې ودرېږي، زیان ور ته ورسوي او د مخته تګ خنډ یې وګرځيږي.
د اسلامي امارت له راتلو وړاندې، د جمهوریت د اجیرې ادارې د واکمنۍ پر مهال داعش خپل بربریت اوج ته رسولی و، د هیواد په ګڼو سیمو کې یې بې ګناه انسانان، ماشومان ښځې او ځوانان په شهادت رسول، له هيڅ ډول شرارت څخه یې مخ نه اړاوه، د خلګو شتمنۍ یې لوټلې، غلا او چور یې تر اندازې اوښت؛ په دې کارونو کې د جمهوریت ادارې او امریکايي فوځونو ور سره ښکاره همکاري درلوده.
خو د اسلامي امارت له راتلو سره د داعش بربریتونو پای وموند او د داعش دا هیلې؛ چې دا اسلامي نظام ړنګ کړي او دا ملت د تیارو او جهالتونو غېږ ته یوسي، تل له منځه تللي؛ د اسلامي امارت بریالی مدیریت دی چې د تیارو لارویان په پرلپسې توګه له درنو ماتو سره مخ کېږي، وژل کېږي، نېول کېږي او یا د جنګ له میدانه تېښته کوي.
داعش نه د مذهب پر بناء ولاړ دی، نه د خاورې او نژاد په بناء؛ له همدې امله یې افراد ګډوډ او نا معلومه بې کوره و بې ځایه خلګ دي؛ له بېلابیلو بهرنیو هیوادونو، بېلابیلو سیمو او بېلابیلو کلیو شریر افراد غولول شوي او د داعش په ناوړه لیکو کې ځای پر ځای شوي دي.
د ا.ا د ځواکونو په دې وروستیو عملیاتو کې په پراخه کچه بهرني اتباع شتون لري، د دوی په وینا؛ له بېلابیلو هیوادونو د پیسو او مادیاتو په نوم غولول شوي او ښکېل شوي دي، په ګاونډیو هیوادونو کې روزنه ور کول کېږي، وروسته افغانستان ته د جنایت، ترهګرۍ او د بې ګناه انسانانو د وژلو لپاره را استول کېږي.
خو تر څو چې د اسلامي امارت دا زړور سرتیرې وي، هیڅکله به دا د طاغوت او شیطان لښکر خپلو شومو موخو ته پرې نه ږدي، د دوی په سرونو به د ابابیلو غوندې نازلېږي، څټونه به یې وهي او وژل کیږي به. ان شاءالله
