ټولو ته دا څرګنده ده چې د ابوبکر البغدادي خلافت، د مشرانو او جهادي ډلو له مشورې پرته ترسره شو او مشران هېڅکله هم د داسې ډلې جوړېدلو باندې راضي نه وو، کومه چې د اسلام نوم ته زیان رسوي. حتی د القاعدې د مجاهدینو له مشر شیخ ایمن الظواهري سره نه مشوره وشوه او نه هم د دې ګمراه فرقې د تنظیم لپاره ترې اجازه وغوښتل شوه او نه هم هغه له دې ډلې راضي وو.
د وخت لوی جهادي سلفي عالم ابومحمد المقدسي په هغه وخت کې داسې وفرمایل: په الله قسم، د داعش په څېر دروغجن، بد اخلاقه او غدار مې څوک نه دي ليدلي. خلاصه دا چې، د دې منفورې ډلې د خلافت له اعلان وروسته، ټولو جهادي ډلو ته امر وشو چې منحل شي او اعلان یې وکړ چې پر ټولو لازمه ده چې د دې ډلې له مشر سره بیعت وکړي.
ټولو جهادي ډلو د القاعدې په ګډون، (ځکه چې د دې ګمراه فرقې له ریښې خبر وو او پوهېدل چې د اسلام او مسلمانانو له منځه وړلو، د مسلمانانو ترمنځ د اختلاف او تفرقې د رامنځته کولو لپاره جوړه شوې ده)، نه یوازې بیعت ونه کړ؛ بلکې خپله نارضایتي او مخالفت یې څرګند کړ او د دوی افراطي او تکفیري غوښتنو ته یې غاړه کېنښوده.
وروسته له دې چې د عصر خوارجو (داعش) په سوریه او عراق کې جهادي قوتونه او مسلمانان کمزوري کړل او د ټولو جهادي ډلو له منځه وړلو پلان یې په ټولو ځایونو کې پیل کړ، د مسلمانانو یووالی یې تر یوې اندازې پورې له منځه یوړ. د مجاهدینو او د مسلمانانو د یووالي د له منځه وړلو لپاره یې په نورو سیمو په ځانګړي توګه افغانستان او پاکستان کې هم اقدام وکړ او په ناسالمو شبهاتو او انتقادونو یې پیل وکړ.
په حقیقت کې د داعش خوارجو رامنځته کول او تأسیس له پیله تر اوسه یوازې او یوازې د واقعي جهادي ډلو د له منځه وړلو او د مسلمانانو د یووالي د ګډوډولو لپاره وو او دي. همدارنګه دا موضوع له هیچا پټه نه ده چې د دوی د بیا راژوندي کولو او قوي کولو لپاره کفارو په ځانګړي توګه صهیونیزم له هېڅ ډول هڅې او کوښښ څخه دریغ نه دی کړی او نه به یې وکړي.
نو پر ټولو علماوو، استادانو، نخبګانو او د دین پر داعیانو لازمه ده چې عموم مسلمانان په ځانګړي توګه ځوانان د هغو ناوړه اهدافو او دسیسو څخه خبر کړي چې دا ناپوهان یې لري او پرې روږدي دي، چې بیا په اسلامي تاریخ کې داسې تندلاري او له دینه بې خبره کسان د مسلمانانو یووالی، انسجام او قوت له منځه یوسي.
