هغه پېښې چې په اوسنۍ نړۍ کې روانې دي او هغه مسایل چې د یو ځواک د پاشل کېدو یا د نوي نظام د رامینځته کېدو لامل ګرځي، دې تحولاتو د ډېرو ډلو په باور کې ځینې توهمات رامنځته کړي دي.
داسې توهمات چې دوی ورسره احساس کوي په سیمه او نړۍ کې یو څوک دي او د ویلو لپاره خبره لري او د دوی خبرو ته اوریدونکي په تمه دي.
داعش په حقیقت کې د یوې واکمنۍ په توګه په سیمه او ځانګړو برخو کې د ځان ښودلو لپاره، دا توهم له یوې مودې راهیسې په خپل ذهن او باور کې پاللو چې دوی باید د یوې واکمنۍ په توګه وپېژندل شي او دوی ته باید اصالت ورکړل شي.
خو له هغه ځایه چې توهم ځپلي خوځښتونه او ډلې تل شرمنده او شرمګین کیږي، د داعش حقیقت هم ټولو ته څرګند شو او دا توهم یې ټولو ته ښکاره شو.
که د داعش تاریخ او پیدایښت ته وګورو، ښه به وپوهیږو چې دا خوځښت له پیل څخه هم خپلواک نه و او د نورو قوماندانانو په وړاندې یې د تابع په توګه کار کاوه.
د دوی وګي د نورو هیوادونو او اتحادونو په لاس کې و او په ظاهره یې د لنډمهاله ځواک د ترلاسه کولو لپاره ځانونه خپلواک ښودل او ځوانان پرې لیوني شوي وو او په خپلو مقدسو احساساتو یې میدان ته قدم ایښی و، خو د وخت په تیریدو او د دې خوځښت له پلیدې او تورې څېرې څخه د پردې په لرې کېدو سره یې ځانونه له دغې نامطلوبې او نامقدسې لارې څخه وایستل او خپله بیزاري یې اعلان کړه.
ځوانان او هغه کسان چې د ظالمانو له ظلم څخه تنګ شوي وو، په ښکلي او پاک احساس درلودلو سره د بشریت په تاریخ کې په ډېرو مواردو کې په داسې فریبونو کې راګیر شوي وو چې د حقیقت په درک کولو او له سم څخه د ناسم په پېژندلو یې، ځانونه له هغې ناسمې لارې څخه چې په کې ګیر و، وایستل او له پخوانیو کړنو او د وحشت خپرولو له عملونو څخه پښېمانه وو.
دا لړۍ شاید تر هغه وخته چې د مکارانو مکر او د فتنې اچوونکو شتون وي، خپله لاره تعقیب کړي؛ خو باید هېر نکړو چې د دې نا امیدیو په اوج کې د اسلامي نړۍ جهادي مشران او له بلې خوا علماء او مفکرین تل په دې میدانونو کې وو او هغو ځوانانو ته چې په ناسمې لارې روان دي، سمه لاره له ناسمې لارې څخه روښانه کوي.
شاید د لږې مودې لپاره وکولای شي چې خپل درواغ د خبرو د ښکلا په پوښونو کې پټ کړي، خو د وخت په تیریدو سره دا حقیقت دی چې تل خپل ځای پیدا کوي او درواغ به له منځه لاړ شي.
الله تبارک و تعالی په قرآن عظیم الشان کې بیانوي چې حق راتلونکی دی او باطل له منځه تلونکی، نو د الله تبارک و تعالی له همدې وعدې او زیري سره حق تل بریالی پاتې شوی او پاتې به شي.
شاید باطل په ځینو سیمو سیوری وغورځوي او ځینې سیمې د لنډې مودې لپاره په خپل لاس کې او په خپل غصب کې راولي، خو الله تبارک و تعالی به دا حالت پایدار نه پریږدي.
د دين رجال او د اسلام مبارزین به هېڅکله اجازه ورنکړي چې د دین دښمنان په مختلفو جامو کې شتون ولري او له مسلمانانو څخه د خپل پټو اهدافو د ترلاسه کولو لپاره د آلت په توګه ګټه واخلي.
د دوی پټوالی به بربنډ شي او حقیقت به خامخا ټولو ته ښکاره شي، ځکه دا دین او دا جهادي اسلامي آیین تل د میدان بریالی پاتې شوی او سمه لاره به د دوی په لاس کې وي.
هغه توهمات چې اوسمهال د داعشیانو په فکرونو کې شتون لري، هېڅکله به د حق د لارې مبارزینو لپاره لاره کږه نکړي او د دوی ناسموالی به ټولو ته څرګند او ښکاره وي.
