د مخلوقاتو فطرت داسې جوړ شوی چې هر انسان باید ازاد، حر او مستقل وي. دا ځانګړنه یوازې په انسانانو کې نه، بلکې په حیواناتو کې هم شته. حتی یو حیوان که د بل د ځمکې پر ځای یرغل وکړي، که څه هم کمزوری وي، سخت مقاومت کوي. په انسانانو کې هم ډېری خلک دغه ځانګړتیا لري، اسلام هم د دې طبیعي فطرت په اساس، پر یرغل د دفاع او جهاد ټینګار کړی دی، کله چې د اسلامي ټاټوبي پر ضد یرغل وشي، نو پر ټولو مسلمانانو د هغه دښمن پر وړاندې جګړه او جهاد فرض او لازمي ګرځي چي یرغل یي کړی ده.
شیخ الاسلام، علامه ابن تیمیه رحمه الله دغه جګړه تر ایمان وروسته اړینه بولي هغه وایي:
واما قتال الدفع فهو اشد انواع دفع الصائل عن الحرمة فواجب اجماعا فاالعدو الصائل الذي یفسد الدین والدنیا لا شئ اوجب بعد الایمان من دفعه فلا یشترط له ای شرط).
ژباړه: د دفاع جګړه د تېري کوونکي د دفع کولو تر ټولو سخت او قوي ډول دی، او په اجماع سره واجب ده. هغه یرغلګر چې دین او دنیا دواړه فاسدوي، د ایمان وروسته تر ټولو واجب کار د هغه دفع کول دي، او د دې لپاره هیڅ شرط لازم نه دی.
(الفتاوی الکبری، ج ۴، ص ۶۰۸)
رسول الله صلی الله علیه وسلم او ملګرو یې په احد، خندق، یرموک، تبوک او نورو جګړو کې د یرغل ګر پر وړاندې داسې اتلولۍ وښودلې چې په ټول انساني تاریخ کې یې ساری نشته. لنډه دا چې د یرغل په وړاندې جګړه د انسانانو په فطرت کې ده، اسلام پرې ډېر ټینګار کړی دی، او د معاصرو مسلمانانو په منځ کې افغانان هغه ولس دی چې د هر یرغلګر غاښونه یې مات کړي دي. په کمزورو وسایلو او ناچیزه مادیاتو یې سترې امپراتوریانې نړولې، او د اسلام ریښتني بچیان بلل کېږي چې د خپل دین او ټاټوبي عزت یې په خپلو نایابه کارنامو سره بیرته را ژوندی کړ.
شیخ المجاهدین، شهید عبدالله عزام رحمه الله د افغانانو په اړه وایي: د مسلمان افغان ولس هغه سپېڅلې خاوره چې د خپلو پاکو وینو په اوبو خړوبه شوې، تر اوسه یې نږدې یو میلیون شهیدان ورکړي دي، او لا هم د نړۍ د تر ټولو ځواکمنو ځواکونو پر وړاندې د سرونو، وینو، روحونو او ټوټه ټوټه جسدونو قربانۍ وړاندې کوي. دا هېڅ تعجب نه دی چې دا ولس دومره قربانۍ ورکوي؛ ځکه دا ځانګړنه له ریښې او اصل څخه راوتلې ده. لکه څنګه چې حضرت عمر رضي الله عنه ویلي وو، زوی د پلار په څېر په خویونو او صفتونو کې وي، که هغه علم وي، سخاوت وي یا مېړانه.
دا خاوره د ابو حنیفه، بیهقي، بلخي، مروزي، ابن حبان البستي، ترمذي، نسائي، بخاري، قتیبه بن مسلم، محمود غزنوي، فخر رازي، ابن تیمیه، امام الحرمین جویني، بیروني، بدخشي، فارابي، ابن سینا، جرجاني او ولید باجي ټاټوبی دی.
د افغانستان د خلګو دغه غیرتي ځانګړنه نه یوازې معاصرو علماوو ذکر کړې ده، بلکې له تابعینو څخه هم نقل دی چې خراسان د الله چانټه ده، کله چې ذوالجلال چاته په قهر شي په دوی یې ټکوي.
نړیوال طواغیت هم پر دې اعتراف کوي چې افغانستان زمونږ هدیره ده، جوبایډن او ټرمپ په بار بار دغه اعترافات تکرار کړي دي، په عربي علماوو کې هم افغانستان په مقبرة الکفار سره شهرت لري. په افغانستان کز تر یوې پېړۍ په کم وخت کې د دریو لویو بشرخورو ښامارانو سرونه غوڅ شوي دي، عسکر یې په وینو کې لمبول شوې دي.
یو له دغو بشرخورو څخه د شوروي اتحاد اشغالګر و، چې په افغانستان یې یرغل وکړ، له ډیرو مقابلو او جهادونو وروسته، د جدي پر ۲۶مه، په ذلیل او شرمیدلي انداز یې خندقي شکست وخوړ او تیښتي ته اړ شول. نن د همدې مبارکې ورځې ۳۷ کال په پوره کیدو دي.
