راځئ وګورو د نورې نړۍ حکومتونه، سیاستوال او مشهور شخصیتونه په دې اړه څه وایي. د ښه وضاحت لپاره به دا موضوع پر دوو برخو ووېشو.
لومړی: د داعش په اړه د غیر اسلامي نړۍ نظرونه
الف: روسیه
روسیه، چې د غرب ازلي دښمنه ده او اصلي کار یې د غرب د اهدافو او کارونو څارنه ده، د داعش په اړه لاندې نظر لري:
۱- ولادیمیر پوتین: د ۲۰۱۴ میلادي کال د اکتوبر په ۲۴مه، په یوه خبري کنفرانس کې وویل: «داعش د هېڅ شي نه دی پیدا شوی، دا د لوېدیځ، یعنې غربیانو، د سیاسي لوبې نتیجه ده.»
همدارنګه، د روسیې ولسمشر ولادیمیر پوتین د ۲۰۱۵ میلادي کال د سپټمبر په ۲۸مه، د ملګرو ملتونو په عمومي غونډه کې وویل: «موږ خبر یو چې داعش ته وسلې او پیسې امریکا او د امریکا متحدین ورکوي. په دې خبره موږ او ټول پوهېږو.»
۲- سرګي لاوروف، د روسیې د بهرنیو چارو وزیر، د ۲۰۱۶ میلادي کال د جنورۍ په ۲۶مه، د مسکو په مطبوعاتي کنفرانس کې وویل: «امریکا قصداً د داعش د جوړېدو شرایط برابر کړل او هغوی یې قصداً جوړ کړل.»
۳- د روسیې د دفاع وزارت په رسمي راپور کې، چې د ۲۰۱۷ میلادي کال د سپټمبر په ۲۸مه خپور شو، راغلي دي چې: «د امریکا تر کنټرول لاندې سیمه په منځني ختیځ کې د داعش لپاره تر ټولو خوندي ځای دی، او داعش ته د پناه لپاره تر دې ښه پټ ځای نشته.»
ب: فیډل کاسترو، د کیوبا ولسمشر
د ۲۰۱۵ میلادي کال د فبرورۍ په ۱۶مه وویل: «داعش د امریکا سیاسي لوبه ده او داعش د امریکا د سیاست محصول دی.»
ج: نیکولاس مادورو، د وینزویلا ولسمشر
د ۲۰۱۵/۳/۱۱ میلادي کال په یوه وینا کې وویل: «داعش ته ورته ترهګري امپریالیزم، یعنې امریکا، جوړوي، تر څو جګړې ته مشروعیت ورکړي او خپلې ګټې تر لاسه کړي.»
د: لولا دا سلوا، د برازیل ولسمشر
د ۲۰۱۶/۹/۱۲ میلادي کال په یوه بیان کې وویل: «داعش د لوېدیځ د سیاستونو نتیجه ده.»
هـ: فرانسوی سیاستپوه امانویل تود
د ۲۰۱۴/۱/۱۱ میلادي کال په یوه وینا کې وویل: «داعش د امریکا د ستراتیژیکو تېروتنو نتیجه ده، چې نن ورسره ټوله نړۍ په خطر کې ده.»
و: جرمنی سیاستپوه اولاف شولتز
هغه مهال، چې وزیر و، وویل: «داعش د عراق جګړې وزېږاوه.»
ح: ران پاول، د امریکا د کانګرس پخوانی غړی
د ۲۰۱۵/۳/۱۲ میلادي کال وویل: «داعش د امریکا د بهرني سیاست نتیجه ده.»
ط: نوام چامسکي، امریکایی فیلسوف
«د عراق اشغال د داعش په جوړېدو کې ستر رول درلود.»
ی: چین
۱- شي جین پینګ، د چین ولسمشر، د ملګرو ملتونو په عمومي اسامبله کې، د ۲۰۱۴/۹/۲۳ میلادي کال په وینا کې، هم دې موضوع ته اشاره وکړه چې داعش د امریکا د بهرني سیاست یوه برخه ده.
۲- وانګ يي، د چین د بهرنیو چارو وزیر، د ۲۰۱۴/۸/۱۵ میلادي کال د چین په مطبوعاتي کنفرانس کې په وینا کې همدې ته اشاره وکړه چې داعش د غرب یوه توطیه ده او د دوی د سیاست نتیجه ده.
۳- وانګ يي، د چین د بهرنیو چارو وزیر، یو ځل بیا د ۲۰۱۵/۹/۲۷ میلادي کال د ملګرو ملتونو د عمومي اسامبلې د غونډې په څنډه کې دې خبرې ته اشاره وکړه چې داعش د امریکا د غلطو سیاستونو نتیجه ده.
