د ټولنیزې بیمې/فایدې سیستم درغلۍ
داعش ډله هڅه کوي چې د خپلو هدفونو د پلي کولو لپاره، له بېلابېلو مشروعو او نامشروعو لارو مالي سرچینې برابرې کړي. له دې جملې څخه یوه خطرناکه او ډېره کارېدونکې لاره، د ټولنیزې بیمې یا فایدې له سیسټمونو څخه ناوړه استفاده ده، چې د Benefit Fraud په نوم پېژندل کیږي. دا ډول درغلۍ یوازې مالي فساد نه، بلکې د داعش ډلې د تمویل یوه پټه او خطرناکه وسیله هم ده.
داعش ډلې له همدې لارې په ځینو اروپایي او لوېدیځو هېوادونو کې خپلو غړو ته امکانات برابر کړي، له حکومتي مرستو ناسمې ګټې اخلي او دا پیسې د جګړې، بریدونو او رسنیزو تبلیغاتو لپاره کاروي. دا چاره نه یوازې د کوربه هېوادونو قانوني او مالي سیستمونو ته تاوان رسوي بلکې نړیوال امنیت ته هم لوی ګواښ پېښوي.
د ټولنیزو فایدو/مرستو د سیستم له لارې هغه مهال ترسره کېږي چې یو شخص یا ډله د واقعي شرایطو خلاف حکومتي مرستې تر لاسه کوي. د بېلګې په ډول:
• د بېکارۍ تر نامه لاندې د مرستو ترلاسه کول
• د معلولیت یا کورنۍ مرستو په اړه درواغجن معلومات ورکول
• د عوایدو، کورني وضعیت او د ژوند د اصلي شرایطو پټول
• د هغو کسانو په نوم مرستې اخیستل چې په حقیقت کې هېواد کې نه اوسیږي یا مړه شوي وي
داعش له همدې میکانیزم څخه د مالي سرچینو د راټولولو په توګه ګټه اخلي.
د داعش هڅې د Benefit Fraud په برخه کې:
د ۲۰۱۴ تر ۲۰۲۰ کلونو پورې، چې داعش په شام او عراق کې خپل فعالیتونه او “خلافت” اعلان کړی و، اروپایي هېوادونو د دې ډلې د تمویل د سرچینوڅېړنې وکړې. د استخباراتي او عدلي ادارو د اسنادو مطابق، داعش د Benefit Fraud یا د ټولنیزې فایدې د سیسټم د درغلۍ له لارې یوه باثباته او نسبتا خوندي مالي سرچینه برابره کړې وه.
دغه فعالیتونه د یوې پراخې شبکې په بڼه تنظیم شوي وو چې د اروپا د ټولنیزو مرستو د سیستمونو تشې او قانوني کمزوریو څخه یې پراخه ګټه پورته کړې وه.
په عمومي ډول، د داعش لهخوا د Benefit Fraud هڅې په دریو اساسي بڼو وېشل کېږي (د جعلي غوښتنو شبکه، د هغو غړو لخوا د مرستو دوام چې هېواد پرېږدی او د جعلي هویتونو په کارولو سره د مرستو تر لاسه کول) چې په لاندې بڼه د تشریح وړ دي:
الف: د جعلي غوښتنو شبکه
د داعش د مالي تمویل په میکانیزمونو کې یوه مهمه کړۍ د جعلي غوښتنو شبکه ده. په دې شبکه کې هغه کسان شامل وي چې یا خو له داعش سره مستقیم تړاو لري، یا د دې ډلې ملاتړ کوي. د دې شبکې موخه دا ده چې د اروپایي هېوادونو د ټولنیزې فایدې سیستم له تشو او کمزوریو څخه په منظم ډول پنځول شوې مالي ګټه پورته کړي.
۱: د شبکې د فعالیت طریقه
داعشي یا له داعش سره تړلي ملګري د هغو غړو لپاره چې له هېواده وتلي وي، د بېکاري، کورنۍ یا نورو ټولنیزو مرستو غوښتنلیکونه ډکوي. دا غوښتنلیکونه داسې وړاندې کېږي لکه چې غوښتونکی لا هم د کوربه هېواد یو عادي، بېکاره او مرستې ته اړتیا لرونکی وګړی وي.
په دې پروسه کې لاندې ټکي شامل دي:
• د غوښتونکي پر ځای اسناد او فورمې ډکېږي.
• په قصدي ډول ناسم معلومات ورکول کېږي؛ لکه د عوایدو پټول، د کار وضعیت بدل ښودل یا د کورنۍ جوړښت غلط بیانول.
• ادارې ته دا انځور ورکول کېږي چې اړوند کس لا هم په اروپا کې اوسېږي او د مرستو قانوني حق لري.
دا شبکه د هغو کسانو د حسابونو او شخصي معلوماتو اداره کوي چې په حقیقت کې د جګړې ساحو ته تللي او له دولتي مرستو څخه په نامشروع ډول ګټه اخلي.
۲: د شبکې د پیسو د انتقال لارې
د جعلي غوښتنو له لارې ترلاسه شوې پیسې د داعش سره تړلو شبکو ته په بېلابېلو لارو انتقالېږي. تر ټولو ډېره کارېدونکې لارې یې لاندې دي:
۱: غېررسمي مالي سیستم:
حواله (Hawala) یو پټ، دودیز او له رسمي نظارت څخه لرې مالي سیستم دی. په دې روش کې:
• شبکې د اروپا دننه پیسې ترلاسه کوي
• او په مقابل کې په شام، عراق یا نورو سیمو کې د داعش غړو ته ورته اندازه پیسې ورکول کېږي
• د پیسو اصلي لیږد په رسمي بانکونو کې نه ثبتېږي، چې د کشف امکان یې کموي
۲: کریپټو انتقالونه (Crypto Transfer)
ډېرې شبکې د کریپټو پېسو په کارولو د پیسو لېږد اسانه کوي. په دې روش کې:
• یا نور پټوالي لرونکي سایبري اسعار کارول کیږي، لکه: Bitcoin, Monero
• د هویت پټ ساتل
• د تعقیب نهکېدلو لوړ احتمال
• د کوچنیو او مکررو انتقالونو امکان
۳: د سیم کارت له لارې بانکي حساب ته لهلیرې لاسرسی:
ځینې حسابونه په اروپا کې ثبت وي، خو:
• د سیم کارتونو او Password – Codes له لارې د جګړې له سیمو هم ورته لاسرسی خوندي ساتل کېږي.
• منځګړي یوازې ATM څخه پیسې وباسي
• یا یې د انلاین اپلیکیشن له لارې نورو حسابونو ته انتقالوي
• دا طریقه په ځانګړې توګه هغه مهال کارول کېږي چې غوښتونکی اروپا پرېږدي، خو بانکي حساب یې فعال پرېږدي.
۴: نغدې پیسې د منځګړو له لارې:
دا یو دودیز، خو لاهم ډېر خوندي میتود دی:
• منځګړي (اکثرآ وفادار ملاتړي) پیسې ترلاسه کوي
• نغدې پیسې زېرمه کوي
• د قاچاقي لارو، سفر کوونکو یا سازماني چینلونو له لارې، پیسې داعش ته رسوي
• په ډېرو قضیو کې، یوه کوچنۍ سیمهییزه شبکه د پېسو ټولول، زېرمه کولاو لېږد په ګډه اداره کوي.
د همدې شبکې مهمې ځانګړتیاوې:
• دا شبکه منظمه، دوامداره او پټه ده
• د غوښتونکو حقیقي موقعیت پټ پاتې کېږي
• د اروپایي ټولنیزو مرستو د سیستم تشې په ماهرانه ډول کاروي
• د داعش لپاره هره میاشت ثابت عاید تولیدوي، چې دا یې د تمویل یو له تر ټولو امن سرچینو څخه شمېرل کیږي.
