المرصاد تېره یکشنبه (۲۵ جمادی الاولی / ۱۶ نومبر) د پاکستان د پنجاب ایالت په قصور ضلع کې د نامعلومو وسله والو لخوا د یوه داعشي مسؤل برهان، چې د خوارجو په لیکو کې د زید په نوم مشهور و، د وژل کېدو خبر خپور کړ.
المرصاد ته د امنیتي سرچینو له لوري د تازه ورکړل شویو معلوماتو له مخې، برهان د پاکستان له خاورې څخه په استفادې په سیمه کې تخریبي اعمال تنظیمول چې د ابوبکر او قاري فاتح ترڅنګ یې، د عمر باجوړي په نوم د داعشي خوارجو له هغه پاکستاني قومندان سره هم نږدې اړیکې درلودې چې د ۲۰۲۴ز کال د اکتوبر په شلمه نېټه د کونړ د ماڼوګۍ ولسوالۍ په شوړیک دره کې د افغانستان اسلامي امارت د امنیتي ځواکونو په تعقیبي عملیاتو کې له یوه بل داعشي سره یوځای ووژل شو.
د پاکستان د پوځي رژيم د اطلاعاتو او نشریاتو وزارت په پاکستان او په ځانګړي ډول پنجاب کې د داعشي خوارجو پر شتون د پردې اچولو په موخه ادعا کړې وه چې برهان له داعشيانو سره هیڅ تړاو نه درلود خو المرصاد د پاکستان د پوځي رژیم د دروغو بربنډولو په موخه د عمر باجوړي او برهان ګډ اخیستل شوی انځور، چې له امنیتي سرچینو یې ترلاسه کړی، له خپلو لوستونکو سره شریکوي.
