داعش د شام او عراق د واک د پراخولو لپاره هېڅکله د نصیریانو، کردانو او صلیبیانو په وړاندې جبهه نه وه نیولې، بلکې د دوی زهرجن خنجرونه به تل یوازې د مخلصو مجاهدینو پر سپېڅلو بدنونو ننوتل، دوی د لوېدیځ د پرمختللو وسلو او د افراطي روافضو د لښکرو پر وړاندې د جګړې توان نه درلود، د دوی زړورتیا یوازې هغه مهال څرګندېده؛ کله به چې د مجاهدینو په صفونو کې کومه نیمګړتیا ښکاره شوه او د همدې فرصت په موندلو سره به یې خپل زهرجن خنجرونه د مسلمانانو پر بدنونو ننویستل.
د دوی لاس ته لوېدلې سیمې، د کفارو پر وړاندې د جګړې له لارې نه، بلکې د اهل السنة او جهادي ډلو پر وړاندې د خیانت او دسیسو په ترڅ کې تر لاسه کړې وې، د شام په بېلابېلو برخو کې د داعش د واک د پراخېدو په لړ کې، د دیرالزور ولایت المیادین ښار هم د دوی تر واک لاندې راغی او د دغې ظالمې ډلې سلطه د شام په سپېڅلې خاوره کې د مجاهدینو د صفونو د کمزورې کولو له لارې پراخه شوه.
د المیادین جغرافیوي ارزښت:
المیادین د دیرالزور ولایت یو مهم ښار دی، چې د سوریې په ختیځه برخه کې، د فرات سیند ته څېرمه موقعیت لري، دا ښار، چې د سوریې د انقلابي خوځښتونو تر پیل مخکې یو مهم تجارتي مرکز و، په ۲۰۱۴ زېږدیز کال کې د داعش لاس ته ولوېد، د داعش تر تسلط وروسته، المیادین د دوی لپاره یو له مهمو پوځي مرکزونو څخه شو، چې ډېریو قوماندانانو هلته د قوماندې د خونې په توګه کار ترې اخیست.
المیادین، داعش ته څومره ارزښت درلود؟
۱: استراتیژیک موقعیت: دا ښار د فرات سیند ته نږدې او د مهمو سوداګریزو لارو پر سر واقع و، چې دې یې ارزښت نور هم زیاتاوه.
۲: ډېر نفوس: المیادین د داعش د غړو او د هغوی د کورنیو لپاره یو لوی پناهځای و.
۳: عراق ته نږدېوالی: داعش کولای شوای له دې ځایه خپل جنګیالي او تجهیزات د سوریې او عراق ترمنځ په آسانۍ انتقال کړي او آن په عراق کې خپل عملیات رهبري کړي.
د داعش د واک په اوج کې، هغه مهال چې د رقه ښار د نړیوال ائتلاف تر برید لاندې راغی، المیادین د داعش د قوماندې د مرکز رول ترسره کاوه، ګڼ شمېر راپورونه وايي، چې ابوبکر بغدادي د اوږدې مودې لپاره همدلته پټ و؛ المیادین، چې درې کاله د داعش تر واک لاندې و، په ۲۰۱۷ زېږدیز کال کې پرته له دې چې د داعش لخوا کوم جدي مقاومت وشي، تخلیه شو او د نصیري بشار اسد د رژیم او د ایران د نیابتي ملېشو لاس ته ولوېد.
