د نيمې پېړۍ تاريخ ته په کتو سره، دې نتيجې ته رسېږو چې د پاکستان مزدور پوځ د مسلمانانو لخوا نه دی رامینځته شوی، بلکې انګريزي ښکیلاک (استعمار) په نیمه وچه کې او په ځانګړي ډول په قبایلي سیمو کې د عقيدې د آزادۍ په موخه د روان جهاد د ځپلو لپاره د ځايي مزدورانو څخه رامینځته کړ.
انګريزي ښکېلاکګرو له دغه پوځ څخه د خپلو نړیوالو استعماري موخو لپاره هم ښه ګټه پورته کړه، لکه د عثماني خلافت د نسکورولو او د نورو ورته اهدافو د ترلاسه کولو په وخت کې. له بده مرغه، د پاکستان له جوړېدو راهیسې تر نن ورځې پورې دغه “مزدور پوځ” په هماغه لاره روان دی؛ هر څوک چې ډېره مزدوري (پيسې) ورکړي، دوی يې په خدمت کې لاس په نامه ولاړ دي. د پاکستاني متجاوز پوځ د تور تاريخ يو لوی ليست دی، چې ځيني بېلګې يې په لاندې ډول وړاندې کوو:
– په ۱۹۷۰ کال کې په اردن کې د جنرال ضياء الحق په مشرۍ د فلسطیني کډوالو پر کمپونو بمباري او د زرګونو فلسطینیانو شهیدانول.
– په سومالیا کې د ملګرو ملتونو د سوله ساتو ځواکونو په چوکاټ کې د سومالي مسلمانانو پر وړاندې تاریخي جنایتونه.
– د بنګالي مسلمانانو عامه وژنه او د هغوی د پتمنو ښځو بې حرمتي کول.
– د ۹/۱۱ سپټمبر له یوولسمې وروسته د امریکا په مشرۍ غربي ټلوالې ته خپل خدمتونه وړاندې کول او په زرګونو افغانان، پاکستانیان او د نورو هېوادونو مهاجر مجاهدين شهیدانول او همداراز د هغوی نیول او پر امریکا باندې د زرګونو ډالرو په بدل کې پلورل.
– د افغانستان د اسلامي امارت (د نړۍ یوازینی اسلامي حکومت) په لومړي سقوط کې اساسي رول لوبول؛ دا ټول د دغه مزدور پوځ نه هېرېدونکي جنایتونه دي.
نن يو ځل بیا کله چې نړیوالو کفرې قوتونو ته د فلسطیني، افغاني او د سیمې د نورو مسلمانانو د ځپلو لپاره د یو ايمان پلورونکي او اجیر پوځ اړتیا وه، نو د پاکستان پوځ په ډېره بې شرمۍ سره د ټرمپ په مشرۍ او د بشریت د قاتل “نتنیاهو” په ملګرتیا کې خپل خدمتونه وړاندې کړل.
دا ټول حقایق دا خبره په ډاګه کوي چې د پاکستان دغه مزدور پوځ نه اسلامي دی، نه د پاکستاني اتباعو او نه د مسلمه أمت د بقا جګړه کوي، بلکې دا يو “مزدور پوځ” دی چې د هر جابر او استعماري ځواک لپاره د مظلوم پر وړاندې خپل خدمتونه وړاندې کوي.
