قرباني په ملتونو کې د حریت انګیزې راټوکوي، شهادتونه موږ نه ختموي بلکې را زرغونوي مو، بهیدلې وینې او وریت شوې غوښې مو تهدابونه مظبوط او بقاء تضمینوي
اسلامي امارت د معاصر تاریخ په پاڼو کې د اسلام له ادرسه د نړیوال کفر او طاغوتونو پر وړاندې د جهاد د واحد داسې مستحکم، متحد، منسجم او یو پیاوړي سنګر په توګه را څرګند شو چې مثال یې نه وه لیدل شوی، ځوان نسل کې یې د ایثار یو نوی روح پو کړ، د شهادتونو یو داسې باب یې پرانیست چې اسلامي نړۍ له خپلو نصابونو حذف کړی وه، استادان یې شول او امت یې د اصلي هدف پر لور رهي کړ.
ددې سپیڅلی یون ریښې لسګونو زره امجادو شهیدانو پخپلو پاکو وینو خړوبې کړې، له دې قهرجنو وینو یې د نیل دریاب جوړ شو، چې مهلکو څپو یې د یوویشتمې پیړۍ فرعوني صلیبي لښکرې له ځانه سره یوړې، همدې مقدسو وینو د اسلام د پسرلي ښیرازه ځمکه په خپلو څاڅکو ومینځله، پاکه یې کړه او تر ثمره یې ورسوله.
څو شیبې ددې سپیڅلي کاروان له څاروان سره تم کیږو، هغه مدبر رهبر چې ځان یې په اور لولپه او لارې یې روښانه کړې، هغه وخت چې د زبرځواک شوروي اتحاد بې سر او سامانه سرې لښکرې تودو اوبو ته د رسیدلو لیدل شوي خوب په تعبیر د امپراطوریو هدیرې افغانستان ته را داخلې او د اشغال توره بلا راننوته.
افغانان هغه نوم چې له اوریدو سره یې د غیرت، جهاد او ایثار کلیمې پیوستې یاديږي، هم د خپل ایماني او وجداني غرور پر بنسټ ددې امپراطورۍ خښولو ته مټې را بډ وهلې د اختر محمد په نوم ۱۸ کلن زلمی هم ددې یون یونوال وه، د جهاد لومړۍ کرښې پرې ښایسته، د ملګرو تکیه ګاه او د شجاعت یوه بیلګه وه، د هرې معرکې زخمونه یې بدن کې له ورایه ښکاریدل، د وروستي روسي پر تابوت تر میخ وهلو یې ټوپک له اوږې او چانټه له سینې راښکته نه کړل.
تر دې چې د شوروي اتحاد هغه ستره امپراطوري چې پر نړۍ یې راج چلیده د ناصر رب په نصرت او د افغان غیور ملت د ۱.۵ میلیونه شهیدانو په قربانولو افغانستان کې دفن او په ۱۵ ټوټو وویشله، خو متأسفانه د اسلامي امت هغه ستر ارمان چې د اسلامي نظام اقامه او د حریت ژوند و پوره نشو، او خپل منځي شخړو ښکار شو، هیواد مو د خپل منځي جګړو په لابراتوار بدل شو.
اختر محمد منصور صاحب د خپلو د نورو مخلصو مجاهدینو په څیر وسله پر ځمکه کیښودله او د واک پر سر د پیل کړل شوې ناروا جګړې په تداوم کې یې د هیچا پلوي ونه کړه او خپلو پاتې درسونو ته بیرته ستون شو.
کله چې یې د شر او فساد پر وړاندې د ثالث عمر رحمه الله د معجزانه تحریک د پیل انګازې یې تر غوږو شوې، کتابونه یې قات او له خپلو نورو څو ملګرو سره سمدستي یې د تحریک برخوال شو، په ګډه یې د شر او فساد فتنه محوه، هېواد کې یې امنیت حاکم او د مسلمانان عزت، مال او ابرو خوندي کړه.
په تېر امارت کې شهید ملا اختر محمد منصور تقبله الله ته د خپل لوړ فهم او قیادي جوهر په لرلو سره ستر ستر مسؤلیتونه ور تر له غاړې او په پوره امانتدارۍ او متانت تر سره کړل، په ۲۰۰۱ م کال د اکتوبر په اوومه نیټه پر افغانستان باندې د امریکا تر صلیبي یرغل وروسته شهید امیر المؤمنین یو ځل بیا د اشغال خلاف پر مسلح جهاد پیل کړ؛ د منصور صاحب لپاره د امریکا پر ضد د جهاد مرحله له سختو آزمایښتونو او چیلنجونو ډکه دوره وه.
دغه وخت نوموړي ته د مرحوم امیر المؤمنین ملا محمد عمر رحمه الله لخوا د اسلامي امارت د رهبري شوری پر عضویت سربیره د کندهار ولایت جهادي مسؤلیت هم وسپارل شوی و؛ په کال ۲۰۰۳ م او ۲۰۰۸ م کې د کندهار ولایت د مرکز ي محبس د مجاهدینو په لاس دوه ځلې په حیرانوونکې توګه ماتیدل چې په دواړه ځلي کې تر یونیم زر زیات اسیر مجاهدین د دښمن له اسارت څخه راخلاص کړای شول هم د شهید امیر المؤمنین کارنامه وه.
په کندهار ښار کې د چریکي ښاري جګړې پیل او تداوم، د دښمن په مراکزو د سترو استشهادي عملیاتو ترسره کول هغه څه دي چې د شهید امیر المؤمنین د مسؤلیت په مهال یې په کندهار ولایت کې صورت موندلی.
د جهاد په جریان کې چې کله پر مجاهدینو باندې پر پوځي فشار سربیره د دښمن لخوا نور سیاسي او تبلیغاتي فشارونه هم ډیر زیات شول او د مقاومت په سنګرونو کې یې ډیر شمیر جهادي مسؤلین په شهادت ورسیدل او پاتې نور ګڼ شمیر مشران مسئولین اسیران شول، په دغسي یو حساس وضعیت کې د مرحوم امیر المؤمنین ملامحمد عمر مجاهد رحمه الله لخوا د صلیبي یرغلګرو په وړاندې د مجاهدینو د سمبالښت مسؤلیت د شهید امیر المؤمنین په غاړه ور واچول شو، چې نوموړي عملاً وکړای شول چې دالله تعالی په نصرت او د رهبري شوری په مرسته مقاومت په تر ټولو حساسو شیبو کې په داسې ډول رهبري کړي چې مجاهدین په هیڅ ډول د عملي قیادت تشه احساس نه کړي.
شهید ملا اخترمحمد منصور تقبله الله د اسلامي امارت د اړونده جهادي فعالیتونو په تعقیب او تنفیذ کې د خپل جهادي رهنماء او مرشد دریم عمر نقش قدم روان و، د جهادي اهدافو تحقق، له خارجي اشغال څخه د هیواد خپلواکي او په هغه کې د شرعي نظام ټینګښت یې د جهاد او مبارزي اساسي هدف و، د( و امرهم شوری بینهم) په اساس په کارونو کې د ملګرو سالمې مشورې په غور سره اوريدلې، اهل کار کسانو ته یې مسؤلیت سپاره او تر مسؤلیت سپارلو وروسته یې ور باندې پوره اعتماد کاوه، مسؤلو کسانو ته یې تل پر ولس باندې د ترحم او خواخوږۍ سپارښتنه کوله.
مدبر رهبر تقبله الله د دریم عمر رحمه الله په نه شتون کې دوه کاله د اسلامي امارت سپیڅلې او فاتحې لښکرې په یو داسې ستر تفکر او سریت رهبري او د عروج تر هسکو لوړې کړې؛ چې نړیوالې استخباراتي شبکې یې فلج او هک حیرانې کړې.
د جهاد دې مفکر امام د جهاد صفوف له سره منظم، تشکیلات یې بیا تنظیم او قطعات یې جوړ کړل، جګړه یې له دفاعي حالته تعروضي میدان ته راوکښله، مجاهدینو ته یې د حربي صنعت په برخه کې په ابتکارانه کارونو لاس پورې کړ، د نوموړي په زعامت کې الله تعالی د فتحو دروازه د اسلام د لښکرو پر مخ پرانیسته او د ولسوالیو، ولایتونو او سترو بیزونو فتح پیل شوې؛ ښاري جګړو زور واخیست، استشهادي عملیاتو د دښمن څخه وار پار خطا کړی وه او هیچرې یې خوندي ځای نه مونده.
شهید امیرالمؤمنین د داعشي خوارجو پر وړاندې کوټلي ګامونه اوچت کړل، ځانګړي روزل شوي ځواکونه یې د هېواد له ګوټ ګوټه ددوی مقابلې ته واستول او په افغانستان کې یې مخکې له رشده ددوی ریښې وویستې.
شمس الشهداء تقبله الله پخپل مدبرانه قیادت او لوړ سیاسي او عسکري فهم سره د اسلامي امارت بنسټونه داسې مستحکم کړل چې له کوچيدو بعد یې نه یوازې دا چې نوموړی صف متزلزل نشو بلکې نور هم پیاوړی، محکم، راسخ او په یو فاتح لښکر او ستر اسلامي نظام مبدل شو.
اې د عمر لارويه!
شهادت دې مبارک شه؛ زموږ شهيد رهبره؛ ته زموږ وياړ او افتخار يې؛ تا زموږ د دې سپېڅلي صف کلکه دفاع او ساتنه وکړه، تا زموږ د دې سپيڅلي صف لپاره خپل د بدن نازک هډونه د ډرون خوراک کړل؛ تا پخپلې وعدې وفا وکړه.
اې د کاروان څاروانه!
ته دوهم علي بن ابی سفیان وې، نړیوال تحقیقاتي مراکز، استخباراتي شبکې، او پرمختللي معاصر پوهنتونونه دې ستا لوړ فهم او لرلید تفکر پخپلو نصابونو کې داخل کړي.
اې د څوارلسم قرن شهيد منصوره!
تا خپله وعده پوره کړۀ؛ ته ريښتونی شوې؛ تا زموږ ځوان نسل ته د قربانیو بېلګې په عمل کې ور وښودې، څوارلس سوه کاله وروسته؛ د مسلمانانو يو منصور په اور لولپه شو، اې مدبر رهبره د الله تعالی دیدار، ستر جنتونه او غټ سترګې حورې دې په نصیب شه.
