په شلمې او يوويشتمې پېړۍ کې تر ټولو ستره صلیبي جګړه د ترهګرۍ تر عنوان لاندې د مسلمانانو خلاف د هغوی د شتمنیو د غلا، د اسلامي ارزښتونو د له منځه وړلو او د فکرونو د اشغال لپاره وه، چې په ظاهره يې شعار امنیت او بشري حقوق وو، خو اصلي اهداف يې د وخت په تېرېدو سره ټولو مسلمانانو ته څرګند شول.
د دې جګړو په ترڅ کې چې لا هم جریان لري، د مسلمانانو ترمنځ وېره اچول، په زرګونو او په لکونو مسلمانانو لادرکه کېدل، په لسګونو زرو زنداني کول او د میلیونونه مسلمانانو وژل د دې حاصل و چې د ټولې اسلامي نړۍ اشغال، د سپېڅلو مقدسو ځایونو سپکاوی او د مسلمانانو په مینځ کې د داسې دولتونو رامنځته کول چې مخکې ېې هیڅ شتون نه درلود.
د مسلمانانو څخه د دوی شتمني غلا کول او د دوی په شتمنیو خېټه اچول، په داسې ډول چې لومړی یې د أمت په هره برخه کې د خپلې خوښې وړ حکومتونه رامنځته کړل او بیا یې داسې کسان ورته رهبران وټاکل چې د ایمان پلورنې په سودا کې ډېر ماهر او ښې تجربې یې درلودې. دوهم کار یې دا وکړ چې د شته مسلمانو حاکمانو ترمنځ یې د بې اتفاقۍ او بې باورۍ فضا حاکمه کړله، دوی امت ټوټې ټوټې کړ او بیا یې داسې زهر وپاشل چې د دوی له شتون پرته به لسګونه کلونه نور هم دا امت ترې روغه ورځ ونهلري.
د صلیبي او یهودي بادارانو لپاره داسې غلام پوځونه د هر ډول خدمت او سجدې لپاره آماده دي، چې په خوله د لا اله الا الله مقدسه کلیمه وايي او مشران یې ځانونه د أمت لپاره الګو او د مقدساتو ساتونکي ګڼي، ډېر د افسوس ځای دا دی چې دوی د هر ډول طاقت او قوت باوجود هم د ایمان پلورنې وظیفه مخته وړي، د دوی بېوجداني تر دې حده پیاوړې شوې چې د دوی د بادارانو لخوا د اسلام او مسلمانانو پر وړاندې ښکاره دښمني او جګړې یې وجدان را ویښ نه کړای شو.
د اسلام او مسلمانانو پر وړاندې د کفارو له خوا پر مخ وړل کیدونکې جګړه کې د تش په نوم اسلامي هېوادونو له ډلې یو ېې د پاکستاني رياست او طاغوتي اسټبلېشمنټ ناپاک او اجیر پوځ هم شامل دی، کوم چې د صلیبي داړه مارانو په خاص ډول د غرب له لوري د هر ډول خدمت لپاره چمتو او اماده وي، د هندوستان او خراسان په ځمکه اوسېدونکو مسلمانانو پر وړاندې یې داسې رول لوبولی لکه د منځني ختیځ په زړه کې چې اسرائیلو د مسلمانانو پر وړاندې کومه لوبه مخته وړي.
د انګلیس لخوا د یاد رژیم بنست کیښودو راهیسې، دغه کرایي پوځ تل د مسلمانانو وینې څښلي دي او د مسلمانانو د ناموسونو هر ډول بېعزتي ېې ترسره کړې ده. د کرايي پوځ لخوا د ترسره کیدونکو جګړو تر ټولو ارزانه بیه هغه مظلومې او بې وسه ښځې وې چې نه یې وسله درلوده، نه په سیاست کې دخیلې وې او نه یې هم د دوی قدرت او واک ته کوم خطر پېښ کړی و، خو بیا هم د دوی د سیاسي پلور او خرڅونو له معاملو څخه خوندي پاتې نشوې.
دوی د لال مسجد څخه په سلګونو د دین طالب العلمانې په ډېرې بې عزتۍ سره امریکایانو ته حواله کړلې، د بلوچانو او پښتنو په لسګونو مسلمانې خویندې لا هم لادرکه دي، د یادو مظلومو ښځو له ډلې د یوې با عفته او مسلمانې خور د مظلومیت له دردونو او زورونو ډک داستان درته بیانوم.
ډاکټر عافیه صدیقي د پاکستان هېواد وګړې ده، چې د کراچۍ اوسیدونکې وه، لوړې زده کړې ېې په امریکا کې ترسره کړې وې، چې د بیولوژي څانګې لیسانس او د نیورو ساینس په برخه کې ېې PHD ترلاسه کړې وه، چې د زدهکړو وروسته ېې بېرته خپل هېواد کې د کراچي په ښار کې په عادي بڼه خپلې ورځني چارې پرمخ وړلې.
په ۲۰۰۳م کال کې عافیه صدیقي له خپلو درې کوچنیو ماشومانو سره یوځای په کراچۍ ښار کې د پاکستاني استخباراتي ادارې ISI له خوا څخه په ناڅاپي ډول وتښتول شوه، عافیه لومړی د پاکستاني استخباراتي سوداګرو له خوا وتښتول شوه، بیا د همدوی په واسطه امریکایانو ته وسپارل شوه، خو دا نه ده معلومه چې پاکستاني استخباراتو سره د څو ورځو، میاشتو او کلونو لپاره وه او څه وخت ېې امریکایانو ته سپارلې خو دا معلومه ده چې امریکایانو یاده ډاکټره د بګرام پوځې هډې ته را انتقال کړې وه.
ډاکټر عافیه د کلونو کلونو لپاره لادرکه وه، کورنۍ او خپلوان یې ټول په لټون پسې لا لهانده وو، پوځ او استخبارات یې د ورکې څخه ناخبري ښودله، خو د مسلمانانو زنداني خور د وخت د سترو فرعونیانو د بګرام په اډه کې د خپلو ماشومانو سره یو ځای زنداني کړې وه، چې په بګرام کې د (۶۵۰) نمبر زنداني په نوم هلته ساتل کیده، د عافیې شتون هغه وخت په بګرام کې ثابت شو، کله چې د بګرام له زندان څخه ځیني مجاهدین آزاد شول او بیا یې هلته زندان کې د یوې مسلمانې پاکستانۍ خور د شتون خبره د نورو مسلمانانو تر غوږونو ورسوله، چې بالاخره مدني فعالانو او نورو نړېوالو بنسټونو د دې موضوع اړوند خبره راپورته کړه، بالاخره په ۲۰۰۸م کال کې هغه د افغانستان په غزني ښار کې را څرګنده شوه، چې دوی دا ادعا کوله چې ګواکې هغې د القاعده له غړو سره اړیکې لرلې او خطرناک اسناد ورسره وو، چې بیا د ډزو پیښه رامنځته شوه.
په داسې حال کې هغه په خپلو پښو نشوه درېدلای، خو امریکایانو دا ادعا وکړه چې ډاکټر عافیې صدیقي د یو امریکايي پوځي څخه اسلحه واخیسته او په پوځيانو یې ډزې وکړې، خو هیڅ امریکايي سرتیری زخمي او ونه وژل شو، برعکس عافیه زخمي شوه، چې وروسته بیا هغه له غزني څخه بګرام او بیا امریکا ته انتقال شوه.
په ۲۰۱۰م کال کې ډاکټر عافیه صدیقي د امریکا په نیویارک کې د سیاسي محکمې په ترڅ کې په داسې حال کې چې په خپلو پښو نشوه دریدلای، د امریکایي پوځیانو د وژلو د هڅې په تور په ۸۶ کاله بند محکومه شوه، چې دا مهال د امریکا د فدرال مدیکل سنتر کې بندي ده، انا لله و انا الیه راجعون.
عافیه یوه لوستې او باعزته مسلمانه ښځه وه، چې د اسلام د مبارک دین دعوتګره هم ګڼل کیده، خو سیاسي سوداګري هغه د کفارو تر وحشي زندانونو ورسوله، د عافیې صدیقي قضیه دا راښيي چې د ترهګرۍ تر عنوان لاندې مرتد او اجیر رژیم د مسلمانو خویندو سیاسي سوداګري پرمخ وړله، هغه پوځ چې ښځې ېې د سیاسي معاملو برخه ګرځولې وې، چې د بېدیني ترڅنګ د پوځ د بې غیرتي او ناموس خوڅونې باندې ښکاره حجت يا دلیل ده.
