څلورم لامل چې د پاکستان پوځې رژیم د سقوط سبب به شي، هغه د پاکستان د جوړېدو له اصلي داعیې څخه انحراف دی. یوازینی لامل چې اسلامي علماء یې قانع کړل چې پاکستان باید جوړ شي، دا و چې په پاکستان کې به اسلامي قانون او اسلامي دولت جوړېږي. خو انګریزان، چې د اسلام قسم خوړلي ابدي دښمنان دي، د پاکستاني عوامو هغه هیلې په اوبو لاهو کړې چې ګواکې د پاکستان تر نوم لاندې جغرافیه کې به اسلامي نظام وي.
په پاکستان کې د لارډ مکاولي قانون د مسلمانانو د خطا کولو لپاره اسلامي نوم ورکړل شوی. عیناً داسې مثال لري لکه پر شرابو چې نعوذ بالله «اسلامي شراب» ولیکل شي. که څه هم د پاکستان عوامو او علماوو ډېر حوصله وکړله چې دا قوانین به اصلاح شي، خو نور یې په مجموع کې د ټولي دیندارې طبقې حوصله ختمه شوه او اوس پوه شوي چې اسلامي قانون به د جهاد له لارې په پاکستان کې راولي او هغوی ټول پر دې کلکه عقیده او باور لري چې الله تعالی یې نصرت کوي.
په تاریخ کې هېڅکله هم د اسلامي عقیدې جګړه ناکامه شوې نه ده. بیا خصوصاً د مفسدو، شرابي جنرالانو په مقابل کې د دیندارې طبقې جګړه داسې واضح او د لمر غوندې روښانه ښکاري چې د پاکستاني پوځې رژیم به سقوط کوي.
هو، دا منو چې د لنډ وخت لپاره به پاکستاني جنرالان د غرب او اسرایلو په زور د ملت د خاموش کولو لپاره هر ډول ظلمونه پر پاکستاني عوامو وکړي، خو پرته له ذلت او ناکامۍ به بل څه په لاس ور نه شي. ځکه په عموم کې د پاکستان ټول عوام مسلمانان دي او د اسلامي نظام او قانون داعیه یې برحقه ده.
د پوځې رژیم د وسله والو مخالفینو روایت ځکه قوي دی چې د پاکستان بنسټ د همدې اسلامي دولت او اسلامي قانون په نوم ایښودل شوی. که چېرې د اسلامي نظام داعیه او فکر موجود نه وای، نو پاکستان به د جوړېدو پر وخت تجزیه شوی وای او د پاکستان اکثریت سیاسي ګوندونه هم پوهېږي چې نور په پاکستان کې د لارډ مکاولي قانون نافذول ناممکن دي.
که په خلاصه ډول ووایو: څلورم لامل د پاکستان د سقوط دا دی چې د پاکستاني مسلمان عوامو په ذهن کې د پاکستاني پوځې رژیم پر ضد د جهاد انګېزه موجوده ده او دا په تجربو ثابته ده چې د چا په مقابل کې د مسلمانانو د جهاد انګېزه او فکر منځ ته راغلی، هغه حتماً شکست خوري.
مثال یې د روس، انګریز او امریکا سترې امپراتورۍ دي چې همدوی جهادیانو ټوټه ټوټه کړې. کله چې د روس، انګریز او امریکا امپراتوریو د جهاد په مقابل کې ځان ونه شو ټینګولی، نو د پاکستان په څېر ضعیف، مفسد او لړزانده پوځې رژیم به څنګه ځان ټینګ کړي؟
د «حی علی الجهاد» ناره هغه ناره ده چې د نړۍ ستر طاقتونه او نړیوال طاغوتونه ترې په ډار دي. او د چا په مقابل کې چې دا ناره پورته شوې، په دنیا کې یې بغیر د ناکامۍ او ذلت څخه بل څه نه دي لیدلي.
