قلم مې واخیست او تکل مې وکړ، تر څو د مؤمن او سپېڅلي صف د ځلانده مسیر او قیمتي ستورو له مداره لوېدلي جنتي زلمکي پر زوکړه، زده کړو، او د یویشتمې پېړۍ د عصري او فرعوني طاغوت تر څنګ د امریکایي او ځانګړي ډول یهودي اسلام دښمنه فتنې (داعشي پروژې) پر وړاندې د دغې اتل ویاړمنې مبارزې، اتلولۍ، فداکارۍ، رنګین داستان او د خپل زړه خواله د قلم له اوښکو د کاغذ پر مخ ستاسو د مطالعې ویاړ کړم؛ تر څو د دغو تنکیو زلمو د مبارزې موخه او قربانۍ د تاریخ راتلونکو څپرکو ته وسپارم.
۱:- زیږېدنه:
د الله جل جلاله د دغې سترې او سپېڅلې لارې تنکی سپاهي شهید نصیب الرحمن ” انتظار ” تقبله الله په ١٣٧٤ هجري ش کال د وردګو ولایت سيدآباد ولسوالۍ د شنيز ویاړمنې او شهید پرورې درې حسن خېلو کلي اړوند یوې درنې او ديندارې کورنۍ کې دې فاني نړۍ ته سترګې وغړولې.
۲:- زده کړې:
شهید انتظارخپلې لومړنۍ زده کړې د خپل کلي اړوند مسجد له ملا امام څخه وکړې او عصري زده کړې يې د یادې ولسوالۍ اړوند حضرت خالد بن وليد “رض” عالي لېسه کې تر دوولسم ټولګي پورې ولوستې.
۳:- مبارزه:
دا چې شهید انتظار د خپل تعلیم تر څنګ د خپلې کورنۍ سر پرستي هم پر غاړه درلوده؛ نو پر همدې وجه نوموړي د خپل فامیل د اقتصادي مشکلاتو د حل په موخه ګاونډي هېواد اېران ته سفر وکړ، نوموړي تر دوه کلنې سختي مسافرۍ وروسته پر داسې حال کې چې لا تر اوسه یې د مسافرۍ له ستړتیاوو د راحت دمه نه وه اخیستې د جهاد او وسله والې مبارزې لپاره، د سيدآباد ولسوالۍ اړوند یوه مخکښ او د دښمن په وړاندې د نه ماتېدونکي قومندان شهید حاجي محب الله “وقاص” تقبله الله په ډلګۍ کې خپل جهادي فعالیتونه پیل کړل.
شهید انتظار د خپلې مبارزې پیل د دوښمن پر وړاندې له چریکي بریدونو پیل کړ. دا چې د دوښمن پر وړاندې د غازیانو ښکاري بریدونه او د سنګر غېږه ګرمه او د امت په حسینو رجالو ښایسته وه، شهید انتظار هم په پوره متأنت، قوي هوډ او پوره مېړانه د باطل پر وړاندې د هر غشي ویشتونکي ټولي ملتیا کوله. د شیطان د لښکرو پر وړاندې دغه ګړندي بهیر کې نوموړی څو ځله زخمي شو او د خپل شیرین بدن د غوښو او وینو په قېمت یې دا لاره په خوښۍ سفري کوله تر دې چې نوموړي د سختو ټپونو له امله د خپل لاس دوې ګوتې هم له لاسه ورکړې.
د دوښمن د لا زلالت او مغلوبیت په پار مجاهدو غازیانو د خپلو جهادي عملیاتو بڼه د لویو بریدونو او د شیطان په ځالګیو د حق لارې ابابیلو د هجوم په لور بدله کړه، چې د دغو ډلیېزو تعروضي بریدونو مخکښو کاروانونو کې به تل شهید انتظار هم ګډون درلود.
دا هر څه په داسې حال کې پېښېدل، چې تر دې وړاندې د شهید انتظار ورور او د يادي کورنۍ بل ګل هم پر همدې مبارک مسیر شهید شوی و، او د پتمنې مور زړه د غمونو ګزار خوړلی و. د شهید پتمنې مېرمنې او یتیمانو د ژوند ټول خواږه ورته په ترخو بدل کړي ول.
دې وخت کې د شهید انتظار کورنۍ تصمیم ونیو تر څو نوموړی کوژدن کړي. تر دې تصمیم نیونې څو ورځې وروسته د شهید انتظار د پیوستون بخت د یوې پتمنې خورکۍ او پېغولوټې سره وخوت؛ کوژدن شول. شهید انتظار له خپلې مېرمنې سره تر محدود ګډ ژوند تېرولو وروسته؛ پخپله اړونده سیمه کې له جهادي بوختیاوو سر بېره، د اسلام او مسلمانانو پر وړاندې د یهوديزم فتنه ییزې پروژې (داعش) پر وړاندې د ننګرهار پر لور د سیدآباد ولسوالۍ اړوند قطعې په تشکیلاتو کې سفر وکړ.
دې وخت کې د فتنې د حق لارې غازیانو پر وړاندې هر اړخیزه ماتې خوړلې وه او د جنتي زلموټو تر کاري او هدفي بریدونو لاندې یې خپلې د مایوسۍ سلګۍ وهلې، نو پر همدې وجه یاده سیمه او هلته ټولې ورغلې لارې اشغالګرو دقیقې څارلې او د مجاهدینو د ملاتړ په موخه تازه دمو تشکیلاتو د مخنیوي او همدارنګه هلته خپلو پروژیي وحشیانو ته د بیاځلې روحیې په پار یې اړونده سیمه او هلته پر ټولو غځېدلو لارو شپه او ورځ هوایي ګزمې وهلې.
امریکایي اشغالګرو په افغانستان کې د خپل راتلونکي د تضمین او همدارنګه په نړۍ واله کچه د یوازیني اسلامي حرکت د ځپلو، له منځه وړلو او بد نامولو په پار د داعشي فتنه ګرو یهودی الاصله داعشي پروژه فوق العاده ډالري سَپُورټ کوله؛ د دوی د ځای ځایګي او هستوګنې په پار یې د وخت په اصطلاح ملي امنیت او همدارنګه نورو مختلفو لوړ پوړو دولتي چارواکو ته دنده سپارلې وه، تر څو د دغه منحرفینو لپاره ټول هغه څه چې اړین دي برابر او هر اړخیز ملاتړ یې وکړي؛ چې پر دې هکله او دغې ادعا د ثبوت لپاره د وخت د اجیرې ادارې د بېلا، بېلو کچو مشرانو او چارواکو اعترافونه کفایت کوي.
٤:- شهادت:
د امریکایي استخباراتو پر پېچلیو پروګرامونو، فکرونو، مفکورو او لاسونو جوړې شوې وحشي او خونخوارې پروژې ( داعش ) تر بل هر خوځښت، ډلې او ټپلې زیات د نړۍوال تروریزم حامي او ارزانه اجیرانو؛ د اسلام په نوم د اسلام او مسلمانانو سرونه، فکرونه او نسلونه په کمه او اندکه بیه تر خپل خونخوار تیغ تېر کړي. د تاریخ په اوږدو کې دوی هر ځل د پردیو په ګټه د اسلامي خوځښتونو، حرکتونو او داعیې، حرکتونه او داعیان د شا له لوري په خپل غدار خنجر وهلي او د دوی د نابودۍ کوښښ یې کړی.
تل د خوارجو او اوسنۍ نوعې د دوی (داعش) د نوم له اورېدو سره سم د وحشت، دهشت او مسلمانانو د تکفیریت القاب تړلي وي؛ چې د همدغې سلسلې په جریان کې د نن عصر ماډرن خوارجیت او د هغې ماډرن او مترقي غربي الاصله څېرو د ځپلو په پار د سیدآباد ولسوالۍ څخه د ننګرهار ولایت په لوري د سیدآباد ولسوالۍ اړوند قطعې په تشکیل کې؛ پر داسې حال حرکت وکړ چې د واده یې یوه میاشت وتلې وه!
د دغه سفر په اوږدو کې د يادي قطعې مجاهدین د ننګرهار ولایت شېرزادو ولسوالۍ اړوند د مرکي خېلو په سیمه کې د امریکایي بېپیلوټه الوتکې (ډرون) هدف وګرځېدل. شهید انتظار، له څو نورو مجاهدینو سره یو ځای، په شهادت ورسېدل.
نَحْسَبُهم کَذاَلِک وَالله حَسَیْبُهُمْ.
