له حالاتو څخه خبر خلګ په دې ښه پوهېږي، لکه څنګه چې په پاکستان کې د دوو سترو قوتونو (تحریک طالبان پاکستان او پوځي ادارو) تر منځ نظامي او عسکري جګړه اوج ته رسېدلې، په هم هغه اندازه ياد دواړه لوري د يو بل په وړاندې په رسنيز او تبليغاتي ډګر کې هم ښه فعال او سرګرم لیدل کېږي.
که له يوې خوا د ټي ټي پي مجاهدين هره ورځ په لسګونو امنيتي کارکوونکي وژني، له بلې خوا امنيتي ادارې هم په ټول هېواد کې د ټي ټي پي پر ضد په پرلپسې توګه چاپې او عمليات کوي، مطلب دا چې اوس د پاکستان خاوره او په ځانګړې توګه خیبر پښتونخوا د جګړې په ډګر بدله شوې ده او روانو حالاتو د ۲۰۱۳ مېلادي کال څخه هم خورا ډېره انقلابي او ویرونکې بڼه خپله کړې ده.
د هېواد سیاسي او دفاعي وضعیت نږدې هغه کچې او حالت ته رسېدلی چې د اشرف غني ادارې (جمهوري دولت) پکې په وروستیو کې قرار درلود، د اشرف غني ادارې د زوال په وروستیو پړاوونو کې دوو کارونو ته ډېره پاملرنه وکړه او په ډېر مېړانه یې ترسره کړل، دا هغه لاملونه دي چې له امله یې هر حکومت او نظام له سقوط او ماتې سره مخ کېږي.
لومړی کار؛
د اشرف غني ادارې لومړی کار دا وکړ چې په هر ځای کې به د دوی قوت کمزوری شو او د طالبانو سره د مقابلې توان به یې له لاسه ورکړ، نو په بې وزله خلګو به يې خپل زړونه خالي او زور ازموینه پیل کړه.
ړندې بمبارۍ یې کولې، پر عامه ځايونو، بازارونو او جوماتونو به یې ډرون بریدونه کول، توپونه به يې په دومره لويه او بې درېغه کچه په کلیو او اباديو ور توغول چې آن پوره پوره کلي به يې په کنډوالو بدل کړل، ددې لپاره خلګ په تکليف کړي او و یې وېروي، تر څو طالبانو ته په خپلو جوماتونو، خونو او مېنو کې د اوسېدو اجازه ور نه کړي او له سيمې څخه په وتلو مجبور شي.
خو د افغانانو ديني میړانې او ملي غرور څخه قربان چې د دې ټولو وحشتونو او ظلمونو په زغملو سره يې بیا هم د طالبانو په وړاندې د حکومت هیڅ قسم ملاتړ و نه کړ.
د افغان ملت د صبر، زغم او قربانيو نتيجه نن ورځ ټولې نړۍ ولیده چې نن په هم هغه افغانستان کې داسې امن، امان او ثبات قايم دی چې ټوله اروپا او آمريکا يې په خپل تېر څو سوه کلن تاریخ کې، يوه بېلګه نه شي وړاندې کولای.
پاکستاني دولت د اشرف غني په نقش قدم، په قبایلو باندې ټولو هغو ظلمونو او وحشتونو ته ملا تړلې چې د اشرف غني ادارې له افغانانو سره کول، د خیبر درې اړوند د “پیر میلې” په ډک بازار کې د ډرون په برید کې د سکول او مدرسې د ماشومانو په ګډون ګڼ دوکانداران په نښه شول.
په شمالي او جنوبي وزیرستان کې په دې ډول ډرون بریدونو کې ګڼ عامه ځايونه په نښه او د ماشومانو، سپین ږیرو او ښځو په شمول ګڼ شمېر عام بې ګناه خلک په ډېر وحشت او بربریت سره په شهادت ورسېدل، که چیرې د پاکستان خلګ او په ځانګړې توګه د خېبر پښتونخوا ولسونه هم د پاکستان د دولت د ظلمونو په وړاندې د افغانانو په شان استقامت وښيي، نو ډېر وخت به و نه لري چې په پاکستان کې هم د افغانستان په څېر امن، ثبات او اسلامي نظام رامنځ ته شي، ان شاء الله تعالی.
دویم کار؛
د اشرف غني ادارې دوهم کار دا وکړ چې په دولتي کچه یې په رسنیو کې د طالبانو پر ضد زهر شيندل پیل کړل او د طالبانو د بدنامولو لپاره یې له ګڼو تکتیکونو څخه کار واخیست، لکه ويل به یې چې افغان طالبان د ISI له لورې روزل کېږي، د پاکستاني ادارو د موخو لپاره افغانان وژني او دا جهاد نه؛ بلکې کاروبار دی او داسې نور.
نو آیا دې ته ورته تبليغاتو او پروپاګند دوی ته کومه ګټه وکړه؟ آیا د دوی فاسد ډیموکراټیک او جمهوري نظام همداسې برقرار پاتې شو؟ آیا دغو تبلیغاتو او درواغجن پروپاګند د طالبانو شهرت او مرال ته کوم زیان ورساوه؟ وګورئ نن ورځ پروپاګند کوونکي چیرې او طالبان چیرې دي، څوک د افغان ملت په ګټه او په هېواد کې د ريښتينې سولې او امن ساتونکي ثابت شول؟
محترمو لوستونکو!
د پاکستاني رياست غاصبو چارواکو او پوځي طبقې همدغه ناکامه پاليسي په دوامداره او مسلسله توګه خپله کړې او دا فکر کوي چې ګواکې موږ کوم لوی کار کړی او د برياليتوب په لور روان يو، په دې اړه يو چا څه ښه ويلي دي:
بترسم کہ نہ رسی بکعبہ اے اعرابی
ایں راہ کہ تو میروی بترکستان است
پاکستاني رياست او د دوی رسمي او غير رسمي اکاونټونو هم د اشرف غني ناکام سياست او کړنلاره خپله کړې ده، له دغو پروپاګندونو څخه يو پروپاګند هغه دی چې دوی پکې کوښښ کوي، ترڅو د تحریک طالبان پاکستان د مشر، مفتي نور ولي محسود ابو منصور عاصم صاحب يو ږغيز پيغام د ثبوت په توګه وړاندې او دا تاثر خپور کړي، چې ګواکې د تحريک طالبان پاکستان قیادت او مشرتابه په افغانستان کې دی او له هماغه ځایه خپلو مسؤلینو او مجاهدینو ته لارښوونه کوي.
” هغه تشکیلات (مجاهدين) چې اوس په محاذونو او سنګرونو کې موجود دي، باید استقامت وښيي او خپلو مرکزونو او کورونو ته د بېرته ستنېدو زحمت ونه کړي”
څو ورځې کېږي چې پاکستاني رسنۍ په دغه وړه خبره باندې شخوند وهي او وايي چې وګورئ؛ د تحريک طالبان پاکستان مشرتابه او قيادت له افغانستانه خپلو جنګياليو ته لارښونه کوي، چې له محاذونو څخه افغانستان ته مه راځئ.
له عقلي دلايلو او سياسي بصیرت څخه بې برخې او د نړۍ د لومړي نمبر استخباراتو د لرلو دعوه کوونکي، په دې نه پوهېږي چې د تحریک طالبان پاکستان رهبري چیرې ده.
اې له عقل څخه خالي سياستوالو!
د تحریک طالبان پاکستان ویاند محمد خراساني څو څو ځله اعلان کړی چې که څوک وغواړي چې زموږ له مشرتابه سره وګوري او دا تایید کړي چې د تحریک طالبان پاکستان مشرتابه چیرته دی، نو موږ حاضر يو ترڅو زموږ تر واک لاندې سیمو کې بې طرفه ژورنالیستانو ته بلنه ورکړو چې د زموږ له مشرتابه سره وګوري او مرکه ورسره وکړي.
خو د څو مياشتو په تېرېدو سره بيا هم د ټي ټي پي په دې غوښتنه خاموشي اختيار شوې ده، چې دا د دې خبرې ښکاره دلیل دی چې که چیرې دولتي اشغالګر ځواکونه چا ته د ټي ټي پي تر کنټرول لاندې سيمو کې د ټي ټي پي له قيادت او مسؤلينو سره د لیدلو او مرکو اجازه ورکړي، نو حقایق به را برسېره او د پاکستاني دولت د ټولو تبليغاتو او پروپاګند حقيقت به ښکاره شي.
نو اوس تاسې خپله وواياست چې د دې حقیقت له څرګندېدو وروسته به د افغانستان پر اسلامي امارت لګېدلي تورونه څنګه دوام وکړي او د امریکا ملګرتيا به څنګه ثباته او برقراره پاتې شي؟
د امنيتي ادارو د جنګي وسايلو، افرادو او عملياتو په پرتله د ټي ټي پي تناسب ډېر کم دی، خو له دې سره سره د ټي ټي پي مورال ورځ په ورځ قوي کېږي او د پاکستان دولت له وېرې او خوف سره مخ دی، د ټي ټي پي ملاتړ په هیواد کې مخ په ډېرېدو دی، او د پوځ څخه د نفرت ریښه لا په اوږدېدو ده.
له ولسونو سره د تحریک طالبان پاکستان د نرمۍ، د علماوو د لارښوونې، له سیاسي خلګو سره د اخلاقي چلند له امله له ولسونو سره د اعتماد اړیکې مخ په قوي کېدو او د استحکام په لورې رواني دي، په داسې حال کې چې د پوځ بدمعاشي، وحشتونو، د ذخيرو غصبول، په زوره یرغمل کول، په جبري توګه د خلګو تښتول او ورکول، په کورونو او بازارونو ړندې بمبارۍ، د امریکا او غربي ځواکونو غلامي، بې حیايي او ناوړه چلند له امله پوځي ادارې او امنیتي ارګانونه د ولس په سترګو کې خورا ذلیل او سپک ښکاري.
دولتي ادارې باید د بې اساسه تبلیغاتو پر ځای له عقل څخه کار واخلي، دا چې اوس تحریک طالبان پاکستان په یوه نه ماتېدونکي ځواک بدل شوی، د دولت دا ډول بې بنسټه ادعاوې د تحریک طالبان پاکستان د لا ثبات لامل ګرځي، همدا راز د افغانستان د اسلامي امارت اړوند بې بنسټه او غير شرعي څرګندونې یواځې او یواځې د امریکا اجنډا ده، چې د پاکستان خلګو ته په هېڅ صورت د منلو وړ نه ده.
