د پاکستان پوځي رژیم د تاریخ په اوږدو کې د نړۍ په کچه ستر جنایتونه، تېري، جرمونه او وحشتونه ترسره کړي دي، یاد جرمونه چې په داخل او بهر کې ترسره شوي دي، یوازي دا نه چې د اسلام پر ضد دي، بلکې بشریت پرې شرمېږي، د ظلم قربانیان یې اکثرآ مسلمانان او د اسلام ریښتیني اتباع دي. په ځانګړي ډول د دوی کړنې د مسلمانانو په ضد شهرت لري، چې د نړۍ کفارو ترې سیاسي او استخباراتي استفاده کړې ده.
د پاکستان پوځي رژیم ظلمونه بېشمېره او له حده وتلي دي؛ خو دلته به یې یو شمېر جنایتونو ته اشاره وشي:
۱:- مسلمان وژنه
د دجالي پوځ هڅه دا وه او ده چې مسلمانان ووژني، تعذیب یې کړي او په بېلابېلو ډولونو یې ځورووي، لکه څنګه چې فرعون د یعقوب علیهالسلام اولاد وژل، دوی هم د اسلام بچیان وژلي او د امت ناموسونه یې تر پښو لاندې کړي دي؛ د بېلګې په توګه د بنګلهدیش د مؤمنانو قتلعام یاد کړو، په ۱۹۷۱ میلادي کال کې یې په بنګالي مسلمانانو قیامت جوړ کړ، تر درې میلیونو زیات کسان یې ووژل او په زرګونو ښځي یې وځورولي. د علماوو شهادت، د مدرسو ویجاړول، د حافظانو او حافظاتو وژنه یې هم له چا پټه نه ده.
۲:- مسلمانان هجرت ته اړول، مالونه لوټل او جبري یې ورک کول
د ناپاک پوځ بل ستر جنایت دا دی چې مسلمانان یې له خپلو مینو او ټاټوبونو څخه بېځایه کړي، مالونه یې لوټلي او ډېر خلک په بېکوره توب کې پرېښي. د دوی چلند د هیټلر، نمرود، هلاکوخان او پلپوت په څېر دی؛ چې د خلکو د مالونو او مسکنونو ویجاړول یې هدفونه وو. ښه بېلګه د افغانستان مهاجرین دي چې په اجباري ډول وشړل شول او مالونه یې لوټ شول، په ۲۰۲۴ کال کې د اجباري ورکولو ۳۰۷ پېښې ثبت شوې دي.
۳:- قومي تبعیض، ښارونه ویجاړول او د پښتون قام پر ضد کړنې
دغه پوځي رژیم په دوامداره توګه پښتون قام ځورولی دی، پر دوی یې نظامي عملیات اعلان کړي، بېسرپنا کړي او د عادي ژوند ټولې خوښۍ یې ترې اخیستې دي. ښه بېلګه د بلوچستان ضربِ عضب عملیات او د وزیرستان بمبار دی چې ښارونه او کلي یې وران کړل.
۴:- د امت زبده او صفوه کسان شهیدول، د جهاد سرسپارلي اتلان په کفارو پلورل
د دجالي پوځ بل ستر جنایت دا دی چې د امت مشاهیر تروروي او د اسلام مجاهدین کفارو ته سپاري. دوی اکثراً د کفر په څنګ کې ولاړ وي او په سیمې کې د امریکا استازیتوب کوي، د شیخ اسامه بن لادن شهادت د دوی د جاسوسۍ نتیجه وه؛ بلډول کسان لکه ابو زبیده، رمزي بن الشېبه، خالد شیخ محمد، ابو فرج اللیبي او نور یې امریکا ته سپارلي او د هغوی کورنۍ یې د کفارو لاس ته پرېښې دي.
۵:- ناموس پلورل
د پاکستان د ظالم پوځ بل بېسابقه جرم دا دی چې د امت ناموس یې پلورلی. دغه جرم په ټول تاریخ کې بېساری ښکاري. د بېلګې په توګه عافیه صديقي او نورې مؤمنې ښځې اوس هم د امت په پېټ کې تورې نښې دي، او دا عمل هم د دغې جالي او طاغوتي پوځ له لوري شوی دی.
د ناپاک پوځ نور ډېر جرمونه شته چې قلم یې له لیکلو عاجز دی، په پاکستان کې د کفري قانون نافذول هم د دوی تر ټولو ستره ګناه ده، همدغه جرمونه او جنایات دي چې په بېلابېلو سیمو کې د پاکستان پر ضد مسلح مقاومت ته لاره هوار کړې ده. دوی د دغو مقاومتونو د مقابلې توان نه لري، نو ټوله پړه پر اسلامي امارت اچوي او د خپل ولس په سترګو کې خاوره شيندي.
