د علم بله ډېوه، با استعداده او زړور مجاهد، شېخ الحدیث والقرآن مولوي محمد عالم حقاني “تقبل الله ” د ننګرهار ولايت د شېرزادو ولسوالۍ د مرکیخېلو د کلي اوسېدونکی په ۱۳۵۰ هـ. ش کال یې دې فاني نړۍ ته سترګې وغړولې، لومړنۍ دینی زده کړې یې د شېرزادو ولسوالۍ کې د بېلابېلو علماء کرامو څخه ترلاسه کړې. وروسته پېښور ته لاړ د خیبر پښتونخوا په مختلفو مدرسو کې یې دیني علم ته ادامه ورکړه، او وړه دوره یې له شېخ سلطان محمد “ثاقب” شيخ صالح محمد او شيخ محمد “ادريس” سره وکړه.
بیا وار د لویې دورې شو، د ملګرو په مشوره د حقانيې دارالعلوم ته ولاړ، د هجرت په ديار کې یې له یو لړ ستونزو او مشکلاتو سره خپلو درسونو ته ادامه ورکړه، هغه په ډېر کم وخت کې وکولای شول، چې لویه دوره بشپړه کړي، بالاخره په ١٣٧٨ه.ش کال له امام العزیمه شهید شیخ رحيم الله حقاني ” تقبله الله ” سره یو ځای؛ د شیخ شېرعلي شاه مدني تر قیادت لاندې لویه دوره هم بشپړه کړه، د علم، وقار او عزت دستار یې پر سر کړ.
له فراغت وروسته یې د هجرت ديار پرېښود او خپل کلي/ کور ته راستون شو، دا چې رب العلمین، حقاني (تقبله الله) له ویښ وجدان او محکم ایمان څخه برخمن ګرځولی و او هر څه ته یې د امت د یو رښتني رجال له عینکو کتل، خپله سیمه یې د دیني علم له فقر، بدعتونو، غلطو رواجونو او فکري انحراف سره مخامخېدونکې ولیدله، سمدستي لاس په کار شود شېرزادو په ولسوالۍ کې د مرکیخلو په کلي کې یې د یوې دینې مدرسې بنیاد کېښود.
د اسلامي امارت په اولنۍ دوره کې یې مدرسه د امیر المومنین ملا محمد عمر “مجاهد ” رحمهالله په امر رسمي شوه، خورا زیات شمېر شاګردانو ته یې د تدریس لړۍ شروع کړه، مدرسې یې په ډېر کم وخت خورا زیات پرمختګ وکړ، خو ناڅاپه پر هېواد د اشغال تور څادر وغوړېد، اسلامي امارت سقوط وکړ او د اسلامي امت په نویو راټوکېدلو امیدونو خاورې واوښتې.
د تدریس له چارو سره یې د اشغالګرو پر وړاندې د جهاد او مبارزې دعوت هم شروع کړ، زیات شمېر مجاهدین یې د عملي مبارزې لپاره چمتو کړل، د مدرسې استاذان او شاګردان یې هم ګرمو سنګرونو ته لېږل؛ د ده تر اهتمام لاندې تر لسو زیات استاذان او تر سلو کم او زیات شاګردان د شهادت لوړ مقام ته ورسېدل.
کله چې په ٢٠١٤ میلادي کال کې خوارجو په ننګرهار ولایت کې ظهور وکړ، د یاد ولایت زیاتې ولسوالۍ د خوارجو تر کنټرول لاندې راغلې، د شېنوارو ټولې ولسوالۍ، پچيراګام، خوګیاڼي، چپرهار… . تر دې چې تر شېرزادو ولسوالۍ پورې را ورسېدل. د خوارجو سره د مقابلې لپاره؛ په شېرزادو ولسوالۍ کې دوو ډلګیو، یوه د شیخ محمد عالم حقاني تقبله الله او بل ملک جيفور په یوازې ځان مقابلې ته ور ودانګل.
د داعشیانو پر وړاندې یې مسلح جهاد شروع کړ، په شېرزادو ولسوالي کې، د داعشیانو سره په مخامخ جنګ کې لومړني شهیدان د شیخ محمد عالم حقاني ملګري وو. د مجاهدینو په بې سارې قربانۍ، تکتیک او اېماني قوت سره، داعشیان له خوګیاڼو، پچيراګام، چپرهار، هسکه مینه، بټیکوټ، اچين، سپین غر، رودات او تر مومند تنګي پورې وځغلول. کله به چې خوارجو زور واخست، ځینې ولسوالۍ او غرنۍ سيمې به یې ونیوالې، لکه: توره بوړه، وزیرو تنګی او داسې نور.. . د شهید شیخ محمد عالم ملګرو به هلته ځان رساوه، تر هغې چې زیات شمېر ملګري یې هلته شهيدان شول.
د وزيرو تنګي کې د ده یو مشهور ملګری، مولوی شمس الرحمن تقبله الله له خوارجو داعشیانو سره په مخامخ جګړه کې په شهادت ورسېد، مبارک جسد یې د جهنم سپیانو ته هملته ورپاتې شو، بیا د قومي مشرانو په هلو ځلو شل ورځې وروسته راوړل شو او خاورو ته وسپارل شو.
بلاخره په ٢٠١٨م کال کې شهید سعید شیح محمد عالم حقاني تقبلهالله، له لس تنه ملګرو سره یو ځای، چې یو یې ورور هم ورسره و، د ډرون الوتکې په بمبارد کې د شهادت لوړ مقام ته ورسېد، نحسبه کذالک والله حسیبه.
کله چې شهید شو، خوارج داعشیان نور هم رامخکې شول او د مرکیخېلو تنګی یې ونیوه، وروسته بیا د اسلامي امارت د نورو لایتونو قطعات را ورسېدل او خوارج یې له یو مخې له منځه یوړل.
نوټ: شیخ محمد محمد عالم حقاني تقبله الله، د شیخ رحیم الله حقاني تقبلهالله خاص ملګری و، دواړه په یوه کال له حقانيې څخه فارغ شوي وو.
