د داعش په نامه وبا/طاعون! دېرشمه برخه

په افریقا کې نفوذ، خو له سختې ماتې سره

په تیرو برخو کې، چیرې چې موږ په سوریه او عراق کې د اهل السنة په وړاندې د داعش د ګوزار په اړه لنډې خبرې وکړې، اوس د افریقایي مسلمانانو په وړاندې د دې ډلې بې‌شمېره خیانتونه برسېره کوو.

په رښتیا، د داعش جنايتونه نه پای لري او نه د بیان وړ دي؛ د دوی د تاوتریخوالي تورې ورېځې له آسیا څخه تر افریقا او آن تر اروپا خپرې شوې وې او ټوله نړۍ یې اغېزمنه کړې وه، په دې مقدماتي برخه کې، زه د داعش د نفوذ حالت او هغه افریقایي هېوادونه په لنډ ډول بیانوم چې دا ډله پکې فعاله وه:

۱:- په افریقا کې د داعش شپږ “ولایتونه” یا سیمه‌ییزې څانګې:
د بېلابېلو راپورونو پر بنسټ، داعش په افریقا کې څو څانګې «ولایتونه» لرل چې هره یوه یې په سیمه‌ییزه بڼه فعالیت درلود.

۲:- د نفوذ طریقه او جوړښتي بڼه:
داعش په افریقا کې د مرکزي جوړښت پر ځای غیرمتمرکز جوړښت کاراوه؛ یعنې سیمه‌ییزو څانګو ته د خپلواکې پرېکړې او عمل پراخه واک ورکړل شوی و، دوی به په بېلابېلو هېوادونو کې د کمزورو حکومتونو، قومي درزونو او اقتصادي ستونزو څخه په ګټه اخیستنې خپل شتون پیاوړی کړ.

۳:- د سیمه‌ییزو اهل السنة لپاره پایلې:
ځینې ځایي ډلې، لکه بوکوحرام، د داعش تر چتر لاندې داخلې شوې یا یې د دې ډلې په ملاتړ خپل جوړښت بدل کړ او د داعش له فریب سره مخ شوې. د دې ګډ فعالیت پایله دا وه چې د دوی عملیاتي ظرفیت زیات شو، د تاوتریخوالي تاکتیکونه یې سخت او خونړي شول او بریدونه یې لا همغږي شول.

د راپورونو له مخې، هغه هېوادونه چې د داعش سیمه‌ییزې څانګې په کې فعالیت درلود، عبارت دي له دې:
۱: نیجریه — د بوکوحرام په واسطه فعالیت کاوه.
۲: چاد — د داعش د لوېدیځې افریقا د ولایت د فعالیت یوه برخه ګڼل کېده.
۳: کامرون — د ISWAP د نفوذ ساحه وه.
۴: مالي — د داعش د «لوې صحرا / ساحل» څانګه (ISGS) دلته فعاله وه.
۵: بورکینا فاسو — د داعش د ساحلي څانګې یوه مهمه سیمه وه.

۶: د کنګو دیموکراتیک جمهوریت( کنګو-کینشاسا) د منځنۍ افریقا داعش (ISCAP) په دې هېواد کې حضور درلود.
۷: موزامبیک — داعش ځانګړې سیمه‌ییزه څانګه دلته درلوده.
۸: مراکش — د داعش پورې تړلې یوې ډلې نیول د شمالي افریقا لوري ته د نفوذ هڅې څرګندولې.
۹: مصر — د داعش د «سینا ولایت» فعالیتونه په مصر کې روان وو.
۱۰: همدارنګه په سومالیا کې د داعش د شتون راپورونه هم مطرح شوي وو او ځینو تحلیلونو وړاندیز کړی چې د داعش میتودونه ختیځې افریقا ته لیږدول شوي دي.

په راتلونکو برخو کې به، ان‌شاءالله، د داعش نفوذ په تفصيلي توګه په افریقا کې لا پراخ تشريح شي.