داعش ولې له Benefit Fraud څخه کار اخلي؟
د ټولنیزو مرستو د سیستم ناوړه استفاده (Benefit Fraud) د داعش لپاره یو کمخطره، لوړه ګټه لرونکی او دوامدار مالي میکانیزم دی. دا سرچینه د نورو مالي لارو په پرتله ډیرې ستراتیژیکې ګټې لري چې شبکه یې په اغېزمنه بڼهکاروي. لاندې یې یو شمېر ګټې د یادولو وړ دي:
۱- کم خطر – زیات عاید
د Benefit Fraud له لارې ترلاسه شوې پیسې د جګړې، نشهيي موادو، وسلو، یا قاچاقي چارو په څېر له لوړ خطر سره نه مخ کیږي.
دا عایدات له دولت څخه د قانوني پروګرامونو په نوم ترلاسه کېږي، چې:
✓ د امنیتي څارنې له رادار څخه لرې وي
✓ لږ پلټنه پرې کېږي
✓ د قانوني عوایدو په څېر ښکاري
په دې توګه بشري تلفات، عملیاتې خطرونه او امنیتي څارنه په کې ډېره کمه ده، خو عاید یې لوړ او ثابت پاتې کېږي.
۲- د کشف کېدو ټیټه کچه
ډېری اروپایي هېوادونه له درېیو جلا سیسټمونو کار اخلي چې کمزوري همغږي لري:
✓ د کډوالو او پناه غوښتونکو ډیټابیس
✓ د ټولنیزو مرستو او فایدې پروګرامونه
✓ د سرحدي او مسافرت معلومات
په ډېری مواردو کې دا سیستمونه:
✓ سره ندي نښلول شوي
✓ د هویت د تکراري کارونې اتومات کشف نه لري
✓ د پتې، اسنادو او سفر تر منځ اړیکه نشي جوړولای
داعش له همدې سیسټمي خلا څخه بشپړ استفاده کوي، ځکه یو شخص:
✓ اروپا پرېږدي، خو مرستې یې نه بندېږي
✓ د څو هویتونو په نوم مرستې ترلاسه کوي
✓ د جعلي اسنادو او پتې له لارې د څارنې له سترګو پټېږي.
۳- دوامدار میاشتنی عاید
دا Benefit Fraud د داعش لپاره یو له هغو مالي میکانیزمونو څخه دی چې ورته منظم، دوامدار او پیشبیني کېدونکی عاید برابروي. د ټولنیزو مرستو د سیستم له کمزورۍ، د جعلي هویتونو له کارونې او د څار د ګډو پلاتفورمونو له نشتوالي څخه په ګټې اخیستنې، داعش کولی شي د ډېرو کم خطرونو په بدل کې د پام وړ عواید ترلاسه کړي.
۴- د هر فرد عادي میاشتنی عاید
په عمومي ډول، هغه کسان چې جعلي هویتونه لري یا د Benefit Fraud د شبکو برخه وي، هر یو یې په میاشت کې شاوخوا ۶۰۰ څخه تر ۱۵۰۰ یورو پورې مرستې ترلاسه کولی شي. دا رقم د بېکارۍ مرستې، د استوګنې ملاتړ، د ماشوم مرستې او نورو ټولنیزو سکیمونو له لارې راټولیږي.
۵- د شبکې د پراختیا له امله د عاید لوړوالی
که شبکه د ۱۰ څخه تر ۲۰ کسانو پورې غړي ولري، نو د Benefit Fraud د میاشتني عاید اندازه په اسانۍ سره د:
۶,۰۰۰ یورو (د لسو کسانو کې، د لږ عاید په حالت کې) او تر ۳۰,۰۰۰یورو پورې (د شلو کسانو کې، د لوړ عاید په حالت کې) رسېږي. دا رقم د یو واحد قاچاقي یا مالي عملیات سره پرتله شي، نو ډېر کم خطر لري، منظم دی، او هره میاشت تکرار کېږي.
۶- کلنی عاید — په سلګونو زره یورو
کله چې دغه ستراتیژي د یو کال لپاره په منظم ډول دوام وکړي، د شبکې کلنی عاید سلګونو زرو یورو ته لوړېږي. دا مقدار د داعش ډلې لپاره خورا باارزښته دی، ځکه نه یوازې لوړ دی، بلکې ثابت او پیشبیني کېدونکیجریان هم جوړوي.
داعش دغه دوامداره عاید د خپلو اساسي فعالیتونو د تمویل لپاره کاروي، لکه:
د عملیاتو لګښتونه: د وسلهوالو عملیاتو تجهیز، د وسلو انتقال او د کوربه هېوادونو دننه او بهر د بریدونو تمویل.
لوژستیک: د سفر، ترانسپورت، پټنځایونو، ارتباطي وسایلو او نورو اداري چوکاټونو لګښتونه.
تبلیغات او جلبوجذب: د آنلاین پروپاګند تولید، د استخدام کمپاینونه، د ټولنیزو شبکو فعالیتونه او د تبلیغاتي موادو خپرول.
معاشونه او امتیازات: د جګړهمارانو، ملاتړکوونکو او د کورنیو لپاره میاشتني تادیات.
