د پیسو د انتقال لوري او تخنیکونه
هغه مالي مرستې او عواید چې د جعلي هویتونو له لارې ترلاسه کېږي، د څو پټو او انعطافمنونکو مالي چینلونو په وسیله داعش ته رسېږي. دا لارې په داسې ډول طرحه شوي چې د څارنې سیسټمونه تېر باسي او د پیسو سرچینه پټه وساتي.
۱- حواله (Hawala) – غیر رسمي مالي لېږد
د داعش تر ټولو خوندي او پټ میکانیزم ګڼل کېږي. د منځګړو کسانو (Hawaladars)له لارې:
✓ د پیسو فزیکي لېږد نه کېږي
✓ د شبکې نومونه پټ پاتې کېږي
✓ د مختلفو هېوادونو تر منځ د تعقیب امکان کمېږي.
۲- کرېپټو انتقالات (Crypto Transfers) – د شتمنۍ پټه تبادله
د کریپټو والټونو او پټو بټوې کارول، تر څو:
✓ سرچینه پټه شي
✓ پیسې په نړیواله کچه په ثانیو کې انتقال کیږي
✓ د څارنې دودیز سیسټمونه (KYC/AML) تېر کړي
✓ شبکې اکثره د “privacy coins” لکه Monero کاروي چې تعقیب یې ډېر ستونزمن وي.
۳- نغدي انتقال (Cash Couriers) – فزیکي پیسو سپارونکي
کله چې د څارنې خطر زیات وي، شبکې:
✓ د باور وړ اشخاصو
✓ د سفر کونکو
✓ یا د سوداګریزو ټرکونو
په وسیله نغدي پیسې فزیکي سیمو ته لېږدوي. دا طریقه د پیژندلو څخه تر ټولو خوندي طریفه ده.
۴- آنلاین بانکدارۍ (Online Banking) – د جعلي حسابونو داخلي انتقالات
د جعلي اسنادو په نوم پرانیستل شوي بانکي حسابونه کارول کېږي، چې له لارې:
✓ د یوې سیمې دننه کوچني انتقالات کېږي
✓ بیا څو حسابونه یو ځای خلکو ته نه، بلکې د شبکې منځګړو ته استول کېږي
✓ دا میکانیزم تر ډېره د اروپایي ټولنیزو مرستو د پرې کولو له امله کشف کېږي.
د څو هویتونو د عوایدو یوځای کېدل:
د جعلي اسنادو له لارې یو کس کولی شي د څو مختلفو پروګرامونو میاشتنۍمرستې واخلي. کله چې دغه ټولې مرستې د شبکې له لارې یوځای شي، نو:
✓ هر کال د لسګونو زرو یورو په اندازه خالص عاید داعش ته انتقالېږي.
✓ هغه هم یوازې د یو کس له جعلي هویتونو څخه.
ګواښ او ستراتیژیک اهمیت:
د جعلي هویتونو او ټولنیزو مرستو د سیستم له لارې د پیسو ترلاسه کول، یوازې یو مالي جرم نه دی، بلکې د داعش لپاره یو ستراتیژیک او پایدار مالي میکانیزم جوړوي. دا پروسه څو مهمې ځانګړتیاوې لري چې د کشف مخه نیسي او شبکه تقویه کوي. دا ځانګړتیاوې عبارت دي له؛
۱- لوړه مالي ګټورتیا
په دې میکانیزم کې:
✓ یو کس کولی شي د ۳–۴ بېلابېلو مستحقینو په اندازه ټولنیزې مرستې ترلاسه کړي.
✓ د بېکارۍ، کورنۍ مرستې، استوګنې ملاتړ او نورو پروګرامونو مجموعي ګرځنده عاید کولی شي د هر کال د لسګونو زرو یورو کچې ته ورسېږي.
✓ دا د لږ خطر په بدل کې ډېر لوړ عاید برابروي چې شبکې ته یې اهمیت نور هم زیاتوي.
۲- د کشف کم خطر
د دې سیستم د کشف کم احتمال د لاندې عواملو له امله دی:
الف. د هر هویت جلا ثبت
جعلي هویتونه د بیلابېلو اسنادو، پتې او ایډنټیټي نمبرونو په نوم جلا جلا ثبت کېږي، چې:
✓ د یو شخص د څو نومونو تر منځ اړیکه نه ښکاري
✓ د څارنې سیسټمونه یې په اسانه نه تشخیصوي.
ب. د نظارت ګډ پلاتفورم کمزوری دی
په ډېرو اروپایي هېوادونو کې:
✓ د ټولنیزو مرستو ادارې
✓ د کډوالۍ ادارې
✓ د ښاروالیو فرعي دفترونه
د یو ګډ، متحد ډیټابیس له نشتوالي سره مخ دي.
ج. د معلوماتو محدود شریکول
باندې اړخونه له یو بل سره یوازې جزوي معلومات شریکوي، چې دا شبکه د کشف څخه ساتي:
✓ د کډوالۍ اداره د ټولنیزو مرستو تاریخ نه ویني
✓ د ښاروالۍ اداره د اصلي هویت د اعتبار په اړه بشپړه معلومات نه لري
✓ بانکونه یوازې هغه اسناد ګوري چې وړاندې شوي وي، نه د ريښتینې هویت سابقه
۳ـ داعش ته اوږدمهاله او باثباته مالي جریان
دا مالیاتي میکانیزم د داعش لپاره یو داسې ځانګړتیا لري چې نورې سرچینې یې نه لري:
الف. میاشتنی منظم عاید
مرستې معمولاً په میاشتني او ثابت ډول د دولت له بودیجې تمویلیږي. له همدې امله د داعش لپاره یو قابل پیشبیني او دوامداره مالي لاین جوړوي.
ب. د لوژستیک، تبلیغاتي او پوځي فعالیتونو تمویل
د دې عوایدو له لارې د غړو معاشونه، د سفر او لېږد لګښتونه، د وسلهییزو عملیاتو مالي ملاتړ، د آنلاین تبلیغاتو او جلبوجذب بودیجه تمولېږي.
ج. د شبکې د پراختیا توان
د دې طریقه د لږ خطر او لوړې ګټې له امله، نور کسان هم دې پروسې ته جذب کېږي، شبکه پراخېږي د جعلي اسنادو او هویتسازۍ زیرساخت نور هم قوي کېږي.
