صديقيار او حذيفه چې د خيبر پښتونخوا د خيبر او اورکزي ايجنسيو اوسيدونکي دي د داعش ډلې د مهم وژل شوي ځایي مسول عبدالمالک نږدې ملګري دي چې د روان ميلادي کال د اګست مياشتې په اتمه نېټه د خيبر ولسوالۍ د سور غر په سيمه کې د نامعلومه وسله والو په برید کې ووژل شو.
حذيفه او صدیقيار په سيمه کې د داعش د خراسان څانګې لپاره د مهمو تسهيلوونکو له ډلې څخه دي.
عبدالحکیم توحيدي د داعش د خراسان څانګې د غرب زون مسول دی چې هرات ولايت يې د فعاليت مهمه سيمه وه، نوموړی د ۲۰۲۳ ميلادي کال په لومړيو کې د پاکستان د خيبر پښتونخوا په غرونو کې په يادو مرکزونو کې میشت شو.
ګل نظيم چې د داعش د خراسان څانګې د مشرقي زون له مهمو مسولينو څخه دی ۲۰۲۴ ميلادي کال کې د خيبر پښتونخوا د خيبر ولسوالۍ د جبار ميلې سيمې ته رسيدلی و او هلته له ځایي داعشي افرادو سره په مختلفو مرکزونو کې اوسېده.
جبار میله د داعشیانو یو مهم مرکز دی، ويل کيږي چې په ځايي وخت نن ماښام ۶:۳۰ بجې د نامعلومو ډرون الوتکو له لوري په جبار میله کې د داعشیانو په پټن ځايونو بریدونه ترسره شوي.
المرصاد له خپلو سرچېنو څخه د ګل نظيم او صدیق یار داسی عکسونه ترلاسه کړي چې په همدې جبار میله کې د دوی شتون ثابتوي.
د خيبر پښتونخوا، خيبر ولسوالۍ د جبار ميلې په مرکزونو کې د داعش ډلې اوسيدونکي مسولين څوک دي؟
