د معاصر طاغوت سره د داعش ګډ فکر
په رښتیا هم افغانستان د ډېرو اتلولیو زانګو او د بېسارو سرښندنو شاهد پاتې شوی، چې هیڅ فکر به یې هیر نکړي او نه یې هیرولای شي، په معاصر تاریخ کې، نړۍ د دې خاورې د بچیانو له زړورتیا دومره حیرانه شوې، چې د دې کړنو او سرښندنو د باور کولو په تصور حیران شوي دي.
ډېرو طاغوتیانو د دې خاورې د نیولو هوډ کړی، ډېرې زهرجنې سترګې یې دې خاورې ته اړولي او ډېرو لاسونو هڅه کړې چې دا خاوره غصب او خپله کړي، خو د تاریخ په ګواهۍ ویلای شو چې دا خاوره د فتحې وړ نه ده او د خپل وخت د لویو قدرتونو هدیره پاتې شوې او پاتې به شي.
د دې ذهني پس منظر پر اساس، داعش ډله د طاغوتي قدرتونو څخه د ګډ فکر او مرستې په غوښتنې سره، په دې پسې شوې چې دا خاوره او قوي قلعه ولړزوي او خپل وحشيانه او د خپلو همفکرانو افکار په دې خاوره کې پلي کړي.
په دې ناخبره دي چې دا خاوره دومره د دیني باورونو او سپیڅلو اسلامي لارښوونو سره ټینګه تړلې، چې هیڅ قدرت او زور به ونشي کولای چې دا خاوره د اسلامي لارښوونو او اسلامي نظام له مینې څخه لرې کړي.
داعش ډله چې لکه د لوېدیځ یوه پروژه اداره کیږي، د معاصر طاغوت په همفکرۍ، د دې خاورې د ویجاړولو لپاره عمل ته داخل شوې او څو ورځې یې په ځینو هغو سیمو کې چې له اوسیدونکو خالي وې، عملیات ترسره کړل او په ځینو ځایونو کې یې د فساد او فتنې لمن هم خپره کړه، خو په ډېر لنډ وخت کې یې هویت او موخه وپیژندل شوه او خلکو د دوی له لارې د دوی منحرفه لاره تشخیص کړه.
په حقیقت کې، د افغانستان پاکه لمن د هر فکر د کښت لپاره مناسبه نه ده او نه به وي، د افغانستان په حاصلخیزه اسلامي خاوره کې؛ د داعش او د دوی د همفکرانو په څیر د تخمونو لپاره ځای نشته او نه به وي.
په افغانستان کې د سیمې له خلکو او ځایی ځواکونو سره په مبارزه کې، داعش ماته وخوړه او ویېلیدل چې په دې خاوره کې چې ټول خلک یې په خلاص زړه عادلانه اسلامي نظام منلی، دا لاره او د مبارزې طرز به بریالی نه وي.
له همدې امله، دوی خپل د مبارزې طرز په نوي شکل بدل کړ او خپلو مبارزو ته یې یو نوی پوښ ورکړ.
داعش د معاصر طاغوت د مبارزې طرحه د قراردادي په توګه پلي کوي، له همدې امله په دې فکر شول چې په افغانستان کې خپل د مبارزې طرز په نوي او غیر نظامي ډول، یعنې د فکري مبارزو په طریقه پیل او جهت یې بدل کړي، خو له دې امله چې د افغانستان په اوسني نظام کې علماء او پوهان یو مهم او د پام وړ رول لري، د دوی دا نوی او معاصر د مبارزې طرحه او برنامه هم له پاتې راتلو او ماتې سره مخ شوه.
د دې خاورې پوهانو او د علم خاوندانو، په ځانګړي ډول حقاني علماؤ، د داعش د فکري او تورې مبارزې پدیدې ته دومره همت وکړ، چې د دې خاورې د دښمنانو په ذهنونو کې یې د نظامي مبارزو خاطرې بیا راژوندۍ کړې.
که د دې خاورې مبارزاتي تاریخ ته یو نظر وکړو، د جهاد او مبارزې په میدانونو کې د علماوو د حضور ډېر څرګند او محسوس ځای به په ښکاره توګه وینو او دا درس تاریخ نړیوالو مستکبرانو ته ورکړی دی: په هره مبارزه او جګړه کې چې د علم خاوندان د ځوان ځواک سره اوږه په اوږه شوي وي، د دښمن ماته، که هر څومره پیاوړی او وسله وال وي، حتمي او یقیني ده.
د افغانستان د علماوو لخوا د مبارزې رهبرۍ د دې خاورې د دښمنانو ته ډېر زیان ورساوه او د دوی فکري ریښې او جسمي حضور یې له دې خاورې څخه له منځه یوړل، داعش ډلې چې د افغانستان تاریخ او په دې خاوره کې د یرغلګرو قدرتونو سرنوشت هیر کړی، غواړي چې په دې خاوره کې خپل پای ته ځان ورسوي.
دا وحشي ډله په افغانستان، هغه خاوره چې هر لویشت خاوره یې د شهیدانو په وینو خړوبه شوې ده- په پاکه لمن کې د قدم ایښودلو سره به خپل برخلیک پای ته ورسوي، د عادلانه اسلامي نظام څخه د خلکو پراخه ملاتړ، هیڅکله به د داعش او د دوی د فکري متحدینو لپاره چې په دې خاوره کې د حضور اراده لري، ځای پرانیزي.
