د خوارجو پراخه ناپوهي په دې کې وه چې د شریعت ځینې برخې یې ومنلې او ځینې یې رد کړې، او د نصوصو په پوهه او د فقاهت په عملي کولو او د هغوی په واقعیتونو پلي کولو کې پاتې راغلل. د هغوی فکر، عقیده او چلند په اسلامي ټولنه کې د بې نظمۍ ښکارندویي کوي او همدارنګه د هغوی شاذ فکر، عقیده او منهج په تاریخ کې د مسلمانانو ترمنځ د تفرقې او بېلتون لامل شوی او د هغوی وینه یې بې ارزښته ګڼلې ده.
په حقیقت کې خوارج، لکه څنګه چې د بشریت رهبر صلیالله علیه وسلم فرمایلي، تل د تاریخ په هره دوره کې د مسلمان امت ترمنځ د اختلافاتو له بطن څخه راوځي او له منځه ځي، او دوه بد او کرغېړن یادګارونه چې «د مسلمانانو تکفیر او د اهل سنت او جماعت د نیکو او عامو خلکو وژنه» دي، له ځانه پاتې کوي؛ او په پای کې هر ځل د مجاهدینو لخوا له بیخه وایستل کیږي او دا وژونکی زخم یوازې د اختلافاتو د راپورته کیدو په وخت کې بیا را څرګندیږي.
شیخالاسلام ابن تیمیه رحمهالله فرمایي: «د اسلام پیغمبر صلیاللهعلیهوسلم په مختلفو احادیثو کې خبر ورکړی چې خوارج به د دجال تر وخته پورې راوځي او مسلمانان په دې متفق دي چې خوارج یوازې هغه لښکر پورې محدود نه دي چې له حضرت علي رضیاللهعنه سره یې جنګ وکړ»
په منځنیو پیړیو کې، که څه هم د هغوی نظامي ځواک کم شو؛ خو د هغوی تکفیري فکر بیا هم په پراخه توګه راڅرګندیده او د امت سوله یې ګواښله.
په نویو پیړیو کې، د اسلامي دولتونو کمزوري او د استعمار فشار، د نویو افراطي بهیرونو لکه د داعش خوارجو د پیدایښت زمینه برابره کړه او د اسلام دښمنانو وتوانیدل چې په دې عصر کې د همدې داعش خوارجو په سبب د اسلام په پیکر تر ټولو زیاته ضربه ووهي او دې ناپوهې ډلې د مسلمانانو او صهیونیزم د خونخوار د قسم خوړلو دښمنانو د غوښتنو د تحقق لپاره له هیڅ هڅې ډډه ونه کړه.
حتی دا شریره ډلې له صدر اسلام څخه تر اوسه ځانونه د اصحابو کرامو څخه ډیر پوه ګڼل او په اوسني عصر کې هم ځانونه د مشایخو، عمومي علماوو او جهادي مشرانو څخه ډیر پوه او هدایت شوي بولي، په داسې حال کې چې د اهل علم او رباني علماوو له جملې څخه هیڅ یو هم ورسره نشته.
او په تاریخ کې په وار وار دې ګمراه فرقې د تفرقې اچولو او د اسلام د بدنامولو لپاره د خلافت اعلانونه وکړل چې موږ په دې لسیزه کې د خپل عصر د دې ضد اسلامي خوارجو د ورته خلافتونو دعواوو شاهدان وو.
نو بناً څومره ښه ده چې د دې شومې پدیدې (داعشي خوارجو) د زیانونو یوه برخه د اسلامي امت لپاره په اوسني عصر کې بیان کړو، په راتلونکو برخو کې به انشاءالله د «د عصر خوارجو لخوا د تفرقې اچولو او د مسلمانانو د امنیت ګډوډولو» موضوع په مستند ډول ولیکو.
دوام لري…
