صلاح الدین(ثاني)
د الله تعالی په نصرت د افغانستان غیور ملت د وخت ستر کافر او سوپر طاقتي امریکا ته داسې شرموونکې ماتې ورکړه، چې اروپايي کُفار او د هغوی غلامان څه چې، آن د ګاونډیانو خوبونه یې هم نا ارمه کړي دي.
ویلای شم، چې یواځې امریکا نه بلکې د انګریزانو، برطانویانو او روسانو په شمول تر مغولانو د هر مغرور زړونه یې په ایماني پنجو راویستي او د غیرت، شجاعت، داستانونه او تاریخونه یې پرېښي.
د سر او مال په قیمت یې د اسلام او قرآن دفاع کړې ده.
د افغانستان په مُبارکه خاوره یې شرعي او محمدي قانون جاري کړی.
خو متأسفانۀ، چې ګاونډي سیکولر هېوادونه نه غواړي، چې دا غیرت من اولس دې د شرعي قانون لاندې ژوند تېر کړي.
کله داعش او کله د اقتصاد شکایتونه او تهمتونه کوي. تاجکستان، پاکستان، ایران تل د افغانستان په اسلامي امارت اعتراضونه کوي او په افغانستان کې د داعش خوارجو په شتون خبرې او خطر محسوسوي.
خو نه!.
په اصل کې همدا (٣) هېوادونه داعشیانو ته روزنه ورکوي او په افغانستان کې یې د موجوده حکومت په ضد استعمالوي. تاسو خو ولیدل؛ چې د المرصاد پاڼې یو اصدار خپور کړ (وشهد شاهد من أهلها) او په کې د تاجکستان هېواد اوسېدونکي داعشیان چې افغانستان ته د امنیت د اخلال په موخه راغلي ول نیول شوي ښکاري.
دا اول ځل نه وو، څو څو ځلې تکرار شول، چې د امارت اسلامي له خوا یا ووژل شول او یا هم ونیول شول.
دوهم پاکستان: چې وخت نا وخت نیوکې او څرګندونې کوي، د داعشو په اړه او یاهم د (TTP) په اړه خو په اصل کې همدا د پاکستان حکومت داعش جنګیالیو ته روزنه ورکوي او حمایه کوي یې. د باجوړ د پيښې څخه د مخه یې د (خان) په نوم داعشي قومندان چې د اسلامي امارت لخوا د ورکړل شویو معلوماتو په اساس یې نیولی وو خوشي کړ.
د پاکستاني حکومت له خوا د خان خوشي کول، دا څه معنا لري؟
همداسې ایران؛ د ایران د ولسي جرګې غړی (فدا حسین مالکی) په تازه څرګندونو کې ویلي او اندېښنه یې څرګنده کړې، چې د شاه چراغ زیارت برید کېدایشي د افغانستان له خاورې پلان شوی وي، او د دواړو هېوادونو ترمنځ د پولې د امنیت او ټیګښت ته د پاملرنې امر یې کړی.
دا څرګندونې یې ماشومانه اعتراضونه او د دوو ملتونو ترمنځ د واټن رامنځته کول او بې باوري زیاتول دي.
که ووایو؛ چې ایران له داعشو سره څه ډول اړیکې لري او تړونونه يې کړي، نو د مالکي دا څرګندونې په ښکاره ډول مسخره او یا هم پسخند دی.
د ایران او داعشو ترمنځ پټې اړیکې:
د سوریې د بشر حقونو د څار ادارې په یوه ځانګړي راپور کې خبر ورکړی وو، چې د داعشي خوارجو او په سوریه کې د ایراني ملیشو تر منځ یو تړون لاسلیک شو، په لاسلیک کې هوکړه شوې وه، چې داعش به په ایراني ملیشو پوستو او کاروانونو باندې حملې نه کوي او په بدل کې به یې د ایران له ملاتړه برخمنو ډلو داعش ته وسلې ورکوي او د تګ او راتګ استخباراتي معلومات به هم ورسره شریکیږي.
دوهم: په راپور کې ویل شوي؛ چې په ٢٠٢٢م ز کال د جنوري په میاشت کې د سوریې په غویران زندان باندې د عملیاتو لپاره د زندان کوردینات او نور استخباراتي پټ معلومات به ایراني ملیشې داعشو ته ورکوي او همداسې نور…
نو اوس ویلی شو، چې ګاونډیان د دې په ځای چې تورونه پورې کړي او د امنیت د خرابوالي پړه په امارت واچوي، ځانونه دې اصلاح کړي.
