المرصاد ته سرچینو ویلي چې امنیتي ځواکونو په بدخشان ولایت کې د هغو مشکوکو کسانو پټنځای په نښه کړی چې د بدخشان ولایت له سرحدي سیمو څخه یې د تاجکستان خاوره کې پر چینایانو په ترسره شویو بریدونو کې لاس درلودلو باندې شک کېدو.
د امنیتي سرچینو د معلوماتو له مخې، دا عملیات تېره شپه (٢٦ جمادی الثاني/٢٦ قوس) د افغانستان د اسلامي امارت د ځانګړو ځواکونو له لوري د فیض آباد په مربوطاتو کې پر هغه پټنځای ترسره شوي چې پر چینایانو باندې په ترسره شویو بریدونو کې ښکېل ځینې مشکوک کسان پکې موجود وو.
د سرچینو په خبره، د عملیاتو په نتیجه کې یو مطلوب کس له وسلې او نورو نظامي مهماتو سره یوځای ژوندی نیول شوی دی.
سرچینې زياته کړې، د بريد په اړه د ځانګړو تحقيقاتو پايلې او د نيول شوي کس لومړني اعترافات څرګندوي چې د بريد پلان له افغانستان څخه بهر ترتيب شوی وو.
نور جزيات بيا…
