د عثماني خلافت له نړیدو وروسته؛ اسلامي نړۍ د استعمار ښکار شوه، امت واحده رهبري او سالم قیادت له لاسه ورکړ، له شرقه کمونیزم او له غربه سیکولریزم پرې هجوم راووړ، دغو ایزمونو د سلګونو کلونو د استعمار او اشغال په پایله کې د اسلامي نړۍ کاني منابع، زیرمې او قیمتي اثار ولوټل.
د خپلې فکري جګړې په پایله کې یې یو داسې نسل وروزئ؛ چې د جهاد او مقاومت روحیه پکې وژل شوې وه، د الواء والبراء پولې یې نړیدلې وې، او د استعمار له وتلو وروسته؛ په اسلامي نړۍ کې يې پر خپل ځای داسې اشخاص او ځایناستي پریښودل؛ چې شرقي او غربي ګټو ته تر دوی ډیر ژمن وه.
اروپایانو به د اسلامي ممالکو زیرمې پرته له دې چې څوک ترې وپوښتي؛ لوټلې، زمینه سازي او بهانې به همدې روزل شویو ګوډاګیانو ورته لټولې، همدوی وه چې د غرب ګټې ګواښونکي؛ علماء کرام، مخور او د دوی د ګټو خلاف افراد یې ترور او زنداني کول.
خو ځای ځای د امت داسې صادق رجال هم موجود وه؛ چې د صلیب او کمونیزم پر ضد یې جهادي حرکتونه تنظیمول، په لیبیا کې عمر مختار، په شام کې عزالدین القسام، په شیشان کې امام شامل او یو هم د اسلام محکم سنګر افغانستان و، چې درې ځلې یې یوه داسې انګریزي امپراطوري را وپرځوله؛ چې لمر پکې نه ډوبیده.
وروسته یې د کمونیزم نړولو ته مټې راونغاړلې، چې په دې ستره معرکه کې د عربي نړۍ نخبه ګان هم سهیم وي، لکه شهید عبدالله عزام، شهید الشیخ اسامه بن لادن، شهید ابومصعب زرقاوي، شهيد خطاب تقبله الله، دكتور ايمن الظواهري، استاد کمال سنانیري او د دوی په شان سلګونه ابطالو دلته د نړیوال جهاد سپاهیان وروزل، د امت دې صادقو رجالو د جهاد ډیوه له ځانه سره عربي نړۍ ته یوړه.
له لسیزو وروسته شام، عراق، چیچنیا، یمن، صومال او په لسګونو هیوادونو کې د جهاد تخمونه ثمرې ته ورسیدل او یو ستر نړیوال جهاد په څپو شو، پر صلیبیانو او ګوډاګیانو باندې ځمکه جهنم وګرځېده، د ځان ځاریدنې او ایثار یو نوی پړاو پیل شوی و، هر چیرې د کفر ګټې وګواښل شوې او ګواښل کیدې، پر فرعوني نړۍ یې خپلې دنګې دنګې ماڼۍ رانړولې.
کله چې امریکا د صلیب په مشرۍ په عراق یرغل وکړ؛ د قاعدة الجهاد رهبرۍ له خوا، د افغان په سنګر کې روزل شوی بطل ابومصعب الزرقاوي د عراقي محاذ لپاره امیر وټاکل شو، د اسلام دې فاتح زمري په عراق کې جهادي دلګۍ تنظیم او د صلیب په خلاف یې یوه داسې مبارزه پیل کړه؛ چې ټوله نړۍ ورته ګوته په غاښ پاتې شوه، له عراقه به امریکا ته یوازې له مړو ډک تابوتونه وړل کیدل.
ځوانانو د اسلام په دفاع کې خپل سرونه شیندل، د استشهاد طوفان له دښمنه خوبونه تښتولي و، په عراق کې د امریکا خلاف جهاد د فتحې په درشل کې و؛ چې د معاصر جهاد دا دنګ څلی مصعب الزرقاوي د فلوجې په ښار کې ونړېد او د رب د لقاء په لورې وکوچید. تقبله الله
نور بیا…
