په ۲۰۲۱ز کال کې چې کله د افغانستان اسلامي امارت صلیبي اشغالګره ټلواله له افغانستانه وتلو ته مجبوره کړه او کابل فتحه شو، نو داعشي خوارجو وویل چې دوی به د فاتحو مجاهدینو پر ضد خپل جنګ ته دوام ورکړي او عملًا یې هڅې هم زیاتې کړې چې په افغانستان کې د نوي حاکم شوي اسلامي نظام پر ضد جګړه چټکه کړي.
تازه چې د سوریې جهادي ډلې د بشار الاسد د خونخوار رژیم په رانسکورولو بریالۍ شوې او دمشق یې ونیو، داعشي خوارجو بیا ګواښ کړی چې دوی به د جهاد تر مقدس نوم لاندې د بریالۍ شویو جهادي ډلو پر ضد خپلې جګړې ته دوام ورکړي.
د خوارجو رسمي اوونیزې النباء د خپلې وروستۍ ګڼې په سرمقاله کې ویلي چې په سوریه کې د بشار رژیم رانسکور شوی، خو دوی به بیا هم د خپلې ډلې او خپل فکر تر بریا پورې جنګ ته دوام ورکوي. د دمشق له فتحې سره همدا توقع وه چې داعشي خوارج به د ځان مطرح کولو او د جهادي ډلو د کمزوري کولو لپاره حتمًا لاس پکار کیږي، چې د النباء وروستي ګواښونه د همدې خبرې تصدیق کوي.
کفار پرېښوول او د مسلمانانو وژل د خوارجو همېشنی عادت پاتې شوی او داعشي خوارج په خپلو اقوالو او افعالو خپله دا نښه نوره هم مؤمنانو ته په وضوح سره ثابتوي.
